निलो मसि 
काठमाडौँ : यही असोज ४ गतेदेखि (सेप्टेम्बर २०-३०) असोज १४ गतेसम्म भुटानको राजधानी थिम्पुमा ७ राष्ट्र सम्मिलित साफ यू–१७ फुटबल च्याम्पिपयनशिपमा खेल्ने टोलीको बिदाइ गरिएको छ।
चाङ्लिमिथाङमा हुने च्याम्पियनशिपमा नेपाल समूह ‘बी’ मा आयोजक भुटानसहित पाकिस्तान र श्रीलंकासँगै छ। चाइनिज ताइपेईमा एएफसी यू–२० एशियन कपको छनोट खेल्ने अर्को नेपाली युवा टोलीको पनि एन्फाले मंगलवार सातदोबाटोस्थित एन्फा कम्प्लेक्समा एक कार्यक्रम गर्दै बिदाइ गरेको हो।
युवा तथा खेलकुदमन्त्री तेजुलाल चौधरी, एन्फा अध्यक्ष पंकजविक्रम नेम्वाङ, उपाध्यक्ष दीपक खतिवडा र सिइओ इन्द्रमान तुलाधारलगायतले नेपाली टोलीको बिदाइ गरेका हुन्।
सो अवसरमा मन्त्री चौधरीले सगरमाथाजस्तो उच्च मनोबलका साथ खेल्न शुभकामना दिँदै साफ यू–१७ मा नेपालको इतिहास राम्रै रहेकाले यो नतिजालाई कायम राख्न अनुरोध गरे।
मन्त्री चौधरीले आफ्नो व्यक्तिगत प्रतिनिधित्व गर्न नभई नेपालको प्रतिनिधि भएर जाँदै छु भन्ने महशुस गर्न खेलाडीलाई आग्रह गरे।
एन्फाका अध्यक्ष नेम्वाङले नयाँ फुटबल रंगशाला निर्माणका लागि जग्गा खोजी भइरहेको बताए। साथै उनले दुवै नेपाली टोलीलाई राष्ट्र सम्झेर खेल्दै जितेर आउन शुभकामना दिए।
यू–२० युवा टोलीले एशियन कप छनोट चरणमा समूह ‘बी’ मा रहेर प्रतिष्पर्धा गर्दै छ। उक्त समूहमा आयोजक चाइनिज ताइपेई, बहराइन, उब्जेकिस्तान र कम्बोडिया छन्।
नेपालले आफ्नो पहिलो खेल कम्बोडियासँग यही असोज ५ गते (सेप्टेम्बर २१) खेल्नेछ। नेपालले दोस्रो खेलमा चाइनिज ताइपेईसँग असोज ७ गते (सेप्टेम्बर २३) र उब्जेकिस्तानसँग असोज ९ गते (सेप्टेम्बर २५) खेल्ने तय छ।
२ दिनपछि ताइपेई सिटीमा नेपालले बहराइनविरुद्ध खेल्नेछ। समूहमा पहिलो हुने टोलीले आगामी सन् २०२५ मा चीनमा आयोजना हुने यू–२० एशियन कपमा सीधै स्थान बनाउनेछ।
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया