निलो मसि 
मनाङ : जिल्लाको प्रवेशद्वार तालगाउँमा यतिखेर खेलाडी र कलाकार भिड्दै छन्। आजदेखि खेलिने मैत्रीपूर्ण फुटबल प्रतियोगितामा प्रतिस्पर्धा गर्न प्रतिष्ठित खेलाडी र कलाकार यहाँ आइपुगेका हुन्।
मनाङमा हिमचितुवा र याकको संरक्षण तथा पर्यटन प्रवर्धनमा दिगो विकास गर्ने उद्देश्यले कलाकार र खेलाडीको आएको पर्यटन व्यवसायी सङ्घका अध्यक्ष विनोद गुरुङले बताए।
विभिन्न संघसंस्थाका साथै स्थानीय तह, खेलाडी, कलाकार, स्थानीयको सहयोगमा चेतना फैलाउन गत वर्षदेखि प्रतियोगिता आयोजना गरिएको हो। कार्यक्रमलाई निरन्तरता दिइरहेको ‘एन्ट फाउण्डेसन’का निर्देशक प्रशान्त ताम्राकारले भने, ‘प्रकृतिको संरक्षण गर्न जरुरी छ। पर्यटन प्रवर्धनका साथै चेतनामूलक कार्यक्रमले लोपोन्मुख वन्यजन्तुको संरक्षणका साथै जैविक विविधता संरक्षणमा टेवा पुग्नेछ।’
जैविक विविधता संरक्षण समाज नेपालका निर्देशक पारसविक्रम शाहले पर्यटन प्रवर्धनका साथै मनाङको जैविक विविधता बचाउन प्रतियोगिता गराइएको बताए।
चामे गाउँपालिका–५ का फुर्वा लामाले चेतनामूलक कार्यक्रमले स्थानीयलाई सचेत बनाएको बताए।
चामे र मनाङ ङिस्याङ गाउँपालिकाको सहकार्यमा विभिन्न सङ्घसंस्था, राष्ट्रिय प्रकृति संरक्षण कोष, अन्नपूर्ण संरक्षण क्षेत्र आयोजना, संरक्षण क्षेत्र व्यवस्थापन समिति, खेलकुद विकास समिति, जिल्ला फुटबल सङ्घको सहयोगमा जिल्लाका विभिन्न स्थानमा ‘हिउँ चितुवा र याकका लागि सँगसँगै’ भन्ने नाराका साथ मैत्रीपूर्ण फुटबल खेल हुन लागेको हो।
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया