निलो मसि 
खजुरा : बाँके जिल्लामा १४६ जना कुष्ठरोगका नयाँ विरामी फेला परेका छन्।
साइनिङ अस्पताल आइएनएफ बाँकेले आव ०८०/८१ मा १४६ जना नयाँ कुष्ठरोगी पहिचान गरी उपचारका लागि विभिन्न स्वास्थ्य संस्थामा रेफर गरिएको जनाएको छ।
अस्पताल प्रमुख मङ्गल थारूले कुष्ठरोगीमध्ये बाँकेका ८४ जना, बर्दियाका २४ जना, भारतका २१ जना, रोल्पाका ५ जना, दैलेखका ४ जना र सुर्खेतका एकजना रहेका छन्।
पहिचान भएकामध्ये ३९ प्रतिशत विरामीमा कुष्ठरोगको कीटाणु पोजिटिभ रहेको पाइएको जानकारी उनले दिए। साइनिङ अस्पतालले बहिरङ्ग सेवामार्फत १७ हजार २६५ जनालाई सेवा प्रदान गरेको जनाएको छ।
अस्पतालले कुष्ठरोगीको पहिचान, अपाङ्गता रोकथाम तथा उपचार, कुष्ठरोग सम्पर्क परीक्षण, समुदायस्तरमा छाला तथा कुष्ठरोग पहिचान शिविर, स्वास्थ्यकर्मीका लागि क्षमता अभिवृद्धि तालिम, समुदायमा कुष्ठरोग सचेतना कार्यक्रम, निःशुल्क उपचार सेवालगायत गतिविधि गरिरहेको जनाएको छ।
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया