निलो मसि 
काठमाडौँ : ललितपुरको सातदोबाटोस्थित एक अवैध कल सेन्टरबाट सीआइबीको टोलीले छापा हानेर पक्राउ गरिएका ५३ जनामध्ये ७ जना सट्टेबाजीमा सक्रिय रहेको पाइएको छ।
अन्यको पनि छानबिन तथा अनुसन्धान भइरहेको सिआइबीले जनाएको छ। दुई भारतीयसहित ७ जना विगतदेखि नै अनलाइन जुवामा सक्रिय रहेको पाइएपछि उनीहरुमाथि ५ दिनको म्याद थप गरी अनुसन्धान अघि बढाइएको सिआइबीले जानकारी दिएको छ।
‘२ भारतीयसहित ७ जनालाई अनलाइन सट्टेबाजी गर्न नहुने कसुरमा म्याद थप गरी अनुसन्धान थालिएको र बाँकीको हकमा छानबिन भइरहेको छ’, सिआइबीका प्रमुख, प्रहरी अतिरिक्त महानिरीक्षक दीपक थापाले थाहाखबरलाई जानकारी दिए।
यसरी म्याद थप गरिएकामा विहारका मनिषकुमार झा र गुजरातका राहुल मेगोडा तथा ओखल्ढुङ्गाका मोनी दाहाल, सिन्धुपाल्चोककी सुस्मिता नेपाली, झापाका रोशन बस्नेत, काठमाडौँका आदित्यकुमार सिंह र काभ्रेका सलिन श्रेष्ठ रहेका छन्।
उनीहरुको साथबाट ८५ वटा ल्याप्टप ८२ वटा मोबाइल बरामद भएको थापाले बताए।
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया