निलो मसि 
कपिलबस्तु
प्रशासन कार्यालय कपिलवस्तुले १० वटै स्थानिय निकायलाई एकै साथ पत्र पठाएको छ ।
जिल्ला प्रशासन कार्यालय कपिलवस्तुले जिल्लाका ४ गाउँपालिका र ६ नगरपालिकालाई एकै साथ पत्राचार गरेको छ । मुलुकभर डेंगु रोग फैलिएका कारण उक्त रोग रोकथामका लागि एक साथ पालिकालाई पत्राचार गरिएको प्रमुख जिल्ला अधिकारी गजेन्द्र वहादुर श्रेष्ठले जानकारी दिए । वाणगंगा नगरपालिकाले डेंगु रोग विरुद्धको अभियान चलाएकोले उक्त नगरपालिकालाई अभियान थप प्रभावकारी बनाउन र अन्य पालिकालाई ब्यापक अभियान चलाउन पत्राचार गरिएको प्रजिअ श्रेष्ठले जनाएका छन । जिल्लामा डेंगु रोगका कारण एक जनाको मृत्य भएको र अब कोहि पनि डेंगु रोग बाट मर्न नपरोस भनी सबै नागरिकलाई सचेत पार्नका लागि अभियान चलाउनु पर्ने उनले जनाए । कपिलवस्तुको वाणगंगा नगरपालिकामा लामखुट्टे खोज र नष्ट गर अभियान अन्र्तरगत मंगलवार वाणगंगा ४ , ७ र ८ मा अभियान चलाएको थियो ।
देशैभर डेंगुका विरामी बढिरहेको बेला नगरपालिका को ७ र ८ मा यसको अभियान चलाएको छ । अभियान अन्तरगत वडा नं ४ को ४ नं जितपुर चोकमा सबैको उपस्थितीमा डेंगु नियन्त्रणका बारेमा अभियान चलाइएको हो । नगरका प्रमुख मंगल प्रसाद थारु , स्वास्थ्य प्रमुख , इलाका प्रसासन , सुरक्षाकर्मी , स्वास्थ्यकर्मी लगायतको उपस्थितीमा अभियान चलाइएको हो । वाणगंगा ७ बनगाई बजारमा डेंगु रोग नियन्त्रणका लागि मोतिपुर स्वाथ्यचौकीका प्रमुख राम प्रसाद गौतम , अ न मी सरस्वती गिरी ,सुन्धरा के सि लगाएत स्वास्थ्य सोयम सेभिका सहितको टोलिले वाणगंगा नगरपालिकाको ७ र ८ नम्बर वाड मा लामखुट्टेको कारणले डेंगु रोग लाग्ने भएकोले यसको निवारणका लागि सम्पूर्ण बजारमा लामखुट्टे नष्ट गर्ने अभियान चलाएको प्रमुख राम प्रसाद गौतमले बताए । बजार क्षेत्रमा रहेका प्रत्येक घरमा गई सम्भावित स्थानको परिचान तथा यसबाट बच्ने उपाएका बारेमा स्थानिय बासिहरुमा जानकारी गराएको थियो ।
स्वास्थ्य चौकीले सरोकारवाला स्थानिय जनप्रतिनिधि सहितको टोलीलाई समेत अभिमुखीकरण दिदै यत्रतत्र राखिएका पुराना टायर , पानीको ट्याङ्कीमा लामखुट्टे हुने भएकोले यी बस्तुहरुलाई हटाउदै हिडेका थिए । वाणगंगा नगरपालिकाका प्रमुख प्रशासकीय अधिकृत तुल्सीराम मरासिनीले डेंगु रोग नियन्त्रणका लागि नगरपालिका गम्भिर रुपले लागेको बताएका छन् । डेंगु रोग नियन्त्रणका लागि विगतका बर्षहरुमा पनि नगरपालिकाले अभियान चलाउँदै आएको बताउदै यस बर्ष डेंगु रोगको प्रकोप पहिलाको तुलानामा अलि बढी देखिएकोले रोग नियन्त्रणका लागि नगरपालिका लागीपरेको बताए । वाणगंगा नगरपालिका का मा डेंगु रोगबारे पिपरा अस्पतालमा निःशुल्क स्वास्थ्य जाँच गराउने व्यवस्था मिलाएको समेत मरासिनीले बताएका छन् । डेंगु लागेको शंका लागे स्वास्थ्य जाचका लागि बुटवललै जानुपर्ने बाध्यता अन्त्य भएको बताएको छ । साथै कसैलाई डेंगु लागेको शंका लागे पिपरा अस्पतालमा आएर स्वास्थ्य जाँच गराउन नगरपालिकाले आग्रह समेत गरेको छ । वाणगंगा नगरपालिकाले भदौ २४ र २५ गते अभियानका रुपमा नगर पालिकाका सबै वाडका बजार क्षेत्रमा लामखुट्टे खोज र नष्ट गर अभियान संचालन समेत गरेको नगरपालिकाका स्वास्थ्य शाखा प्रमुख कृष्ण घिमिरेले बताएका छन् । लामखुट्टेको कारणले डेंगु रोग लाग्ने भएकोले यसको निवारणका लागि नगरपालिका सम्पूर्ण बजारमा लामखुट्टे नष्ट गर्ने अभियान चलाएको प्रमुख घिमिरेले बताए । यसैगरी २६ गते देखि नगरका हरेक बस्ती बस्तीमा अभियान चलाइने बताएको छ ।
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया