निलो मसि 
काठमाडौं : राष्ट्रिय अभियानको रूपमा सुरु भएको पाठेघरको मुखको क्यान्सर विरुद्धको खोप अभियानमा उल्लेखनीय सहभागिता भएको पाइएको छ।
स्वास्थ्य तथा जनसंख्या मन्त्रालयको विवरणअनुसार माघ २२ गतेदेखि फागुन ०६ गतेसम्म हिमाली ४ जिल्ला बाहेकमा सञ्चालन भइरहेको खोप अभियानमा हालसम्म १२ लाख ४० हजार ७७ अर्थात् लक्ष्यको ७३ प्रतिशत किशोरीले यो खोप लगाइसकेका छन्।
‘यही माघ २२ गतेदेखि फागुन ०६ गतेसम्म हिमाली ४ जिल्ला बाहेकमा सञ्चालन भइरहेको पाठेघरको मुखको क्यान्सर रोकथाममा महत्वपूर्ण भूमिका रहेको एचपिभी खोप अभियानअन्तर्गत मिति २०८१ फाल्गुन १ गतेसम्म १२ लाख ४० हजार ७७ अर्थात् लक्ष्यको ७३ प्रतिशत किशोरीहरूलाई खोप लगाइसकिएको छ’ मन्त्रालयका प्रवक्ता डा प्रकाश बुढाथोकीले भने।
खोप अभियान फागुन ६ गतेसम्म संचालन गर्ने यसअघि नै मन्त्रालयले घोषणा गरिसकेको छ।
सरकारले यसपटक कक्षा ६ देखि १० कक्षा सम्मका छात्रा तथा विद्यालय बाहिरका १० वर्षदेखि १४ वर्ष उमेरका किशोरीहरूलाई एचपिभी खोप लगाउने अभियान सुरु गरेको हो।
यस वर्ष १६ लाख ८० हजार रुपैयाँ किशोरीलाई खोप लगाउने सरकारले लक्ष्य लिएको छ। आगामी वर्षदेखि भने नियमित खोप अभियानमा यसलाई समेट्ने तयारी गरेको छ।
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया