निलो मसि 
घनश्याम भर
(विजयनगर) कपिलवस्तु, ५ जेष्ठ ।
कपिलवस्तुकाे विजयनगर गाउँपालिकामा साेमबार नि:शुल्क स्वास्थ्य जाँच शिविर सम्पन्न भएको छ ।विजयनगर आधारभूत अस्पताल बद्धाैरमा विशेषज्ञ स्वास्थ्य शिविर गरिएको अस्पताल प्रशासनले जनाएको छ । विजयनगर गाउँपालिकाकाे आयाेजना र लुम्बिनी स्वास्थ्य निर्देशनालयकाे सहयोगमा विशेषज्ञ स्वास्थ्य शिविर सञ्चालन भएको अस्पतालका इन्चार्ज इन्द्र प्रसाद भण्डारीले जानकारी दिए ।
एक दिने स्वास्थ्य शिविरमार्फत ३ सय ९३ जनाले सेवा लिएका छन् । जसमा पुरुष १ सय ६३ जना र महिला २ सय ६२ जनाले सेवा लिएका छन् । नि:शुल्क शिविरबाट दाँत तथा मुख राेग सेवा, जनरल फिजिसियन सेवा, महिला तथा प्रसुति विशेषज्ञ सेवा, छाला राेेग सम्बन्धी विशेषज्ञ सेवा प्रदान गरिएको थियोे ।
प्रमुख जिल्ला अधिकारी दिल कुमार तामाङले ग्रामिण क्षेत्रमा अस्पताल सञ्चालनले नागरिकलाई स्वास्थ्य सेवा प्राप्तिका लागि सहज भएको बताए । आधारभूत अस्पतालबाट विशेषज्ञ सेवाहरु प्रदान गर्नका लागि सञ्चालन भएको स्वास्थ्य शिविरले अधिकांश नागरिकहरु लाभान्वित भएको बताउँदै अस्पताल सञ्चालन हुनु नै गाउँपालिकाले स्वास्थ्यलाई प्राथमिकता दिएकाे उनकाे भनाइ छ । अस्पतालले स्थानीय स्तरमै गरिब, विपन्न र ग्रामिण भेगका नागरिकलाई प्रत्यक्ष सेवाले बढी लाभान्वित हुने भन्दै उनलेे प्रशंसा गरे ।
यस्तै विजयनगर गाउँपालिका अध्यक्ष गाेपाल बहादुर थापाले स्वास्थ्यलाई प्राथमिकतामा राखेकाे बताउँदै नागरिकलाई स्वास्थ्य सेवा उपलब्ध गराउनका लागि अस्पतालमा सेवा सुचारु भएको बताए । उनले अस्पताल सञ्चालनका लागि ठुलो चुनाैती भए पनि गुणस्तरीय सेवा प्रवाह गर्न गाउँपालिका प्रयासरत रहेकाे बताए ।
गाउँपालिकाले विभिन्न नि:शुल्क स्वास्थ्य शिविरहरु सञ्चालन गरि सर्वसाधारण नागरिकलाई स्वास्थ्य सेवा दिँदै आएकाे बताए । अस्पताल सञ्चालन भएपछि २ जना डाक्टरहरुले सेवा दिइरहेको अध्यक्ष थापाले जनाए ।
कार्यक्रममा गाउँपालिका उपाध्यक्ष लक्ष्मी कुमारी चाैधरी, प्रहरी नायब उपरीक्षक माेहन मणि अधिकारी, इलाका प्रहरी कार्यालय गणेशपुरका प्रहरी निरीक्षक हर्ष बहादुर चन्द, स्वास्थ्य शाखा प्रमुुख यज्ञ प्रसाद अधिकारी लगायतकाे उपस्थिति थियोे ।
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया