निलो मसि 
रुपन्देही २९ साउन
प्रदेश ५ सरकारको कृषि मन्त्रालयले कृषिक्षेत्रमा धेरै नयाँ कामको थालनी गरेकोछ । गरीबीको रेखामुनि रहेका १२ जिल्लाका किसानलाई कृषि उपकरण अनुदानमा वितरण गर्ने देखि किसानले उत्पादन गरेका कृषि उपज सहकारी मार्फत खरीद र विक्री वितरणको ब्यवस्था मिलाउने काम भएकाछन् ।
यसै बीच पछिल्लो पटक गाउँका किसानलाई अर्गानिक तरकारी उत्पादन गर्न प्रोत्साहन गर्ने र शहरका उपभोक्ताहरुलाई स्वच्छ तरकारी उपलव्ध गराउने मूख्य उद्देश्यसहित बुटवलमा पहिलो ब्यवस्थित अर्गानिक कृषि बजार स्थापना भएको छ ।
बुधबार उक्त कृषि बजारको उदघाटन गर्दै प्रदेश ५ की भूमि व्यवस्था, कृषि तथा सहकारी मन्त्री आरती पौडेलले अव किसानले पनि अर्गानिक उत्पादनलाई अव विशेष जोड दिनुपर्ने र उपभोक्ताले पनि त्यस्ता उत्पादनलाई प्राथमिकता साथ खरिद गरेर प्रोत्साहन गर्नुपर्ने कुरामा जोड दिनुभयो ।
कृषि बजारमा विभिन्न ६० वटा कृषि समूहले उत्पादन गरेका कृषिजन्य तरकारी उपज विक्रीका लागि राखिएको छ । आर्थिक समृद्धिका लागि ग्रामिण कृषि उद्यमशीलता कम्पनी प्रालिले ४४ लाख रुपैया लगानी गरी उक्त अर्गानिक कृषि बजार स्थापना गरेको हो ।
उक्त प्रालिका अध्यक्ष बामदेव क्षेत्रीले गाउँका किसानहरुको अर्गानिक उत्पादनलाई शहरमा विक्री गरी किसान र उपभोक्ताबीच पुलको काम गर्न लागिएको र यसवाट किसान र उपभोक्ता दुवैलाई फाईदा पुग्ने विश्वास व्यक्त गर्नुभयो ।
अध्यक्ष क्षेत्रीले किसानलाई पहिला अर्गानिक खेती गर्ने तरिकाबारे जानकारी दिने, सोही अनुसारको कृषिजन्य उत्पादन र ती बस्तुको बजारीकरण गर्नमा कृषि बजारले विशेष भूमिका खेल्ने अपेक्षा राखिएको उल्लेख गर्नुभयो । प्रदेश ५ भूमि व्यवस्था, कृषि तथा सहकारी मन्त्रालय र कृषि विकास बैंक लिमिटेडको आर्थिक सहयोगमा कृषि स्थापना गरिएको प्रालिले जनाएको छ ।
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया