निलो मसि 
काठमाडौं : नेकपा (एमाले) की सांसद विमला घिमिरे राष्ट्रियसभाको उपाध्यक्षमा निर्वाचित भएकी छन्।
बुधबार राष्ट्रिय सभामा भएको निर्वाचनमा विमला घिमिरेलाई उपाध्यक्षमा निर्वाचित गरियोस् भन्ने प्रश्तावको पक्षमा बहुमत भएकाले उनी निर्वाचित भएको अध्यक्ष नारायणप्रसाद दाहालले घोषणा गरेका हुन्।
एमाले, नेकपा (माओवादी केन्द्र), राष्ट्रिय स्वतन्त्र पार्टी, नेकपा (एकीकृत समाजवादी) लगायतका सत्तारुढ दलहरुको साझा उम्मेदवार रहेकी घिमिरेको पक्षमा ३९ मत परेको थियो भने कांग्रेसकी विष्णुदेवी पुडासैनीले १६ मत प्राप्त गरेकी थिइन्। बैठकमा ५५ जना सांसदहरुको उपस्थिति थियो।
अध्यक्ष दाहालले नवनिर्वाचित उपाध्यक्ष घिमिरेलाई बधाई दिँदै कार्यकालको पूर्ण सफलताको कामनासमेत गरे। चैत १५ गते तत्कालीन उपाध्यक्ष उर्मिला अर्यालले पदबाट राजीनामा दिएपछि सो पद रिक्त भएको थियो। राष्ट्रिय सभाको अर्को बैठक चैत्र ३० गते शुक्रबार एक बजेर १५ मिनेटमा बस्ने गरी बोलाइएको छ।
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया