निलो मसि 
काठमाडौं : विवेकशील साझा पार्टी र राप्रपाबीच एकीकरणको प्रस्तावबारे रवीन्द्र मिश्रले सञ्चारमाध्यमलाई दिएको भनाइप्रति सो पार्टीले गम्भीर विमति जनाएको छ।
सो पार्टीका प्रवक्ता हरिशप्रसाद भट्टले शुक्रवार विज्ञप्ति जारी गर्दै ‘एकताको प्रस्ताव’मा विवेकशील नेपाली दल र साझा पार्टीबीच एकीकरण भएर बनेको विवेकशील साझा पार्टीको नाम दुरुपयोग नगर्न मिश्रलाई सचेत गराएका छन्।
विज्ञप्तिमा पार्टीलाई व्यवस्था विरोधी, राजावादी बनाउने र पार्टीका नेताहरूलाई वैकल्पिक राजनीतिको मर्म विपरित धारमा उभिन बाध्य बनाउने मिश्रको कदममा सहभागी नहुन पनि पार्टी सदस्यहरूलाई अपिल गरिएको छ।
विज्ञप्तिमा भनिएको छ, ‘वैकल्पिक राजनीतिलाई कलङ्कित पार्ने गरी जनताले जनआन्दोलनबाट विस्थापित गरेको पश्चगामी शक्तीकहाँ पार्टी बुझाउने र वैकल्पिक राजनीतिका संस्थापक योगदानकर्ताहरूको अपमान गर्ने यो प्रस्ताव खेदजनक र खारेज योग्य छ।’
विवेकशील साझा पार्टी विवेकशील नेपाली दल र साझा पार्टीबीच २०७७ मंसिर २४ गते एकीकरण भएर बनेको पार्टी हो।
पार्टी एकीकरणपछि मिश्रले साउन ११ गते पार्टीको एकीकरण घोषणापत्र विपरित, विधान विपरित र वैकल्पिक राजनीतिको मर्म विपरित व्यवस्था विरोधी, संविधान विरोधी, वैकल्पिक राजनीति विरोधी दस्ताबेज ल्याएर आफ्नो र केही व्यक्तिहरूको निजी राजनैतिक स्वार्थ पूरा गर्न पार्टी कानुनी र राजनैतिक रूपमा कब्जा गर्न खोजिरहेको आरोप विज्ञप्तिमा लगाइएको छ।
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया