निलो मसि 
पर्वत : गण्डकी प्रदेश सरकारले प्रदेश सांसदकै हैसियत बराबर हुने गरी हरेक वर्ष तीन जनालाई ‘गण्डकी रत्न’ विभूषण प्रदान गर्ने भएको छ। प्रदेश सरकारले बनाएको विशिष्ट व्यक्ति सम्मान गर्ने सम्बन्धी कार्यविधि २०७८ मन्त्रिपरिषद् बैठकले स्वीकृत गरेसँगै प्रदेश सरकारले बनाएको सिफारिस समितिले छनोट गरेका तीन जनालाई सम्मान गरिने सरकारका प्रवक्ता कुमार खड्काले जानकारी दिए। खड्काका अनुसार शिक्षा, स्वास्थ्य, खेलकुद, कृषि, उद्योग, पर्यटन, पूर्वाधार, विज्ञान, प्रविधिलगायत क्षेत्रमा योगदान पुर्याएकाहरूलाई सम्मान गरिने छ। समितिले छनोट गरेको नामलाई मन्त्रिपरिषद् बैठकले अनुमोदन गर्नेछ।
गत सोमबारको मन्त्रिपरिषद्को बैठक सार्वजनिक गर्दै प्रवक्ता खड्काले ‘गण्डकी रत्न’लाई गण्डकी सरकारले सर्वाधिक ठूलो सम्मानका रूपमा लिएको बताए। सरकारले विशिष्ट क्षेत्रमा योगदान पुर्याएका व्यक्तिलाई सम्मान कार्यक्रम चालु आर्थिक वर्षको नीति तथा कार्यक्रममा पनि समावेश गरेको र त्यसका लागि २५ लाख रुपैयाँ विनियोजन समेत भएको उनले जनाकारी दिए।
‘यो रत्नलाई गण्डकी प्रदेशकै सर्वाधिक ठूलो सम्मानको रूपमा लिइएको छ। प्रदेशको श्रीवृद्धि र गौरव बढाउने गरी आफ्नो क्षेत्रमा विशिष्ट योगदान पुर्याएका तीन जनालाई हरेक वर्ष यो रत्नबाट सम्मान गरिने छ,’ प्रवक्ता खड्काले भने, ‘सामाजिक, आर्थिक कार्यबाट सामाजिक सद्भाव, रोजगारी, प्रविधिको विकास, संस्कृति, कला संरक्षण लगायत समाजलाई सकारात्मक प्रभाव पार्ने खालको अनुकरणीय कार्य गरेको हुनुपर्ने भनेर कार्यविधिमा राखिएको छ।’
यसबाहेक शिक्षा, स्वास्थ्य तथा खेलकुद, कृषि तथा सहकारी, उद्योग पर्यटन, वातावरण, पूर्वाधार विकास तथा विपद् व्यवस्थापन, भाषा संस्कृति, सार्वजनिक प्रशासन लगायतका क्षेत्रमा योगदान पुर्याएका व्यक्ति पनि विभूषणका लागि योग्य हुनेछन्।
‘गण्डकी रत्न’ पाउने व्यक्तिहरूको छनोट गर्नका लागि बन्ने सिफारिस समितिमा मन्त्रिपरिषद्को वरिष्ठ सदस्य अध्यक्ष रहने व्यवस्था छ। अर्थमन्त्री, आन्तरिक मामिलामन्त्री, प्रमुख सचिव सदस्य रहने छन्। समितिको सदस्य सचिवमा आन्तरिक मामिला मन्त्रालयका सचिव रहने व्यवस्था गरिएको छ।
कार्यविधिअनुसार रत्नबाट सम्मानित हुने व्यक्तिलाई विभिन्न पाँच प्रकारका सुविधाहरू उपलब्ध गराइने छ। पहिलो रत्न पाएका व्यक्तिलाई सार्वजनिक कार्यक्रममा प्रदेश सभाका सदस्य सरहको मर्यादाक्रम हुने व्यवस्था गरिएको छ। यसबाहेक प्रदेशभित्रका सरकारी अस्पतालमा निःशुल्क उपचार, गण्डकी प्रदेशभित्र रहेका विमानस्थलमा अति विशिष्ट कक्षको सुविधा, सरकारले सञ्चालन गरेको सार्वजनिक सेवाका लागि विशेष प्राथमिकतासहित संरक्षणविहीन भएमा सरकारले नै उनीहरूको जिम्मा लिनेछ। विभूषणमा सुनजडित चाँदीको तक्मा दिइने र त्यसमा सम्मान पाएकाहरूको नामको अगाडि रत्न लेखिएको हुने तथा रत्न पाएकाहरूको छुट्टै परिचयपत्र बनाएर हस्तान्तरण गरिने छ।
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया