काठमाडौं-शनिबार राप्रपा अध्यक्ष राजेन्द्र लिङ्देन र पूर्व अध्यक्ष कमल थापाबीच जारी विवादका सन्दर्भमा करिब डेढ घण्टा वार्ता भए पनि कुनै सकारात्मक सङ्केत देखिएको छैन । बरु पूर्व अध्यक्ष थापा आफ्नो माग सम्बोधन नहुने देखेर एक दुई दिनभित्रै ‘नयाँ निर्णय’ लिने गरी अघि बढेका छन् ।
गत महाधिवेशनमा निर्मल निवासको हस्तक्षेपबारे पार्टीभित्र छानबिन हुनुपर्ने एक सूत्रीय माग अघि सारेका थापाले अध्यक्ष लिङ्देनले आफ्नो मागबारे सुनुवाइ नगरे ‘नयाँ निर्णय’ लिएर अघि बढ्ने तयारीमा जुटेका हुन् । शनिबार थापा निवास बूढानीलकण्ठमा थापाले उठाएका मागबारे छलफल भएपछि यो विषयमा छलफल हुन नसक्ने धारणा लिङ्देनले राखेको एक नेताले रातोपाटीलाई बताए ।
निर्मल निवासको हस्तक्षेपबारे छलफल भए आफ्नो वैधानिकतामाथि नै प्रश्न चिन्ह खडा हुने लिङ्देनको जिकिर थियो । यता राप्रपा प्रवक्ता मोहन श्रेष्ठले भने पार्टीभित्र उत्पन्न पछिल्लो परिस्थितिमा छलफल प्रारम्भ भए पनि विस्तृतमा छलफल भइनसकेको जिकिर गरे । उनले अझै पनि पार्टी एकढिक्का भएर जानेमा विश्वास व्यक्त गरे ।
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया