भुपाल थापा 
विजयनगर,
विजयनगर गाउँपालिकाको वडा ३ पत्थरदेइयामा रहेको हनफिया रजवीया सदरसामा शुक्रवार एक कार्यक्रम विच २ कोठे भवनको शिलन्यास गरिएको छ । गाउँपालिका उपाध्यक्ष लक्ष्मी कुमारी चौधरीले आज सो भवनको शिलन्यास गर्नु भएको हो ।
गाउँपालिकाको १६ लाखको सहयोगमा भवन बन्न लागेको विद्यालय व्यवस्थापन समितिका अध्यक्ष मोहम्मद मुस्तफा बढईले जानकारी दिनु भएको छ ।
गाउँपालिका उपाध्यक्ष लक्ष्मी कुमारी चौधरीले भवनको शिलन्यास गर्दै हरेक विद्यालयमा भौतिक पूर्वाधार अन्तर्गत भवनको अभाव हुन नदिन गाउँपालिकाले प्राथमिकताका साथ अगाडी बढाएको बताउनु भएको छ ।
भौतिक पुर्वधारलाई व्यवस्थित गर्दै शैक्षिक गुणस्तरलाई विशेष ध्यान दिने चौधरीले दावी गर्नुभयो । यस्तो किसिमको भवन मदरसा सहित ७ ओटा विद्यालयमा भवन बनाईने उहाँले बताउनु भयो ।
उहाँले मदरसामा छात्राका लागि सिलाइ कटाई मेसिन उपलब्ध गराउने प्रतिबद्धता जनाउनुभयो ।
कार्यक्रममा विद्यालय व्यवस्थापन समितिका अध्यक्ष मोहम्मद मुस्तफा बढई, वडाध्यक्ष बुद्धिराम अर्याल, समाजसेवी, बुद्धिजीवी, विद्यालय व्यवस्थापन समितिका सदस्य लगायतको उपस्थिति रहेको थियो ।
भुपाल थापा 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया