निलो मसि 
कृष्णनगर, १७ साउन ।
कपिलवस्तुकाे कृष्णनगर नगरपालिका-९ बहादुरगञ्जमा रहेको शिवराज अस्पतालमा नेपाल सरकार, स्वास्थ्य सेवा विभाग, परिवार कल्याण महाशाखा, काठमाडौं तथा युनिसेफ (UNICEF) को संयुक्त अनुगमन टोलीले शिवराज अस्पतालमा सञ्चालन हुन लागेको समग्र आकस्मिक प्रसूति तथा नवजात शिशु सेवा (CEONC) तथा अत्यावश्यक नवजात शिशु स्याहार इकाइ (ENCU) सम्बन्धी स्वीकृति, सञ्चालन र व्यवस्थापनका विषयमा स्थलगत अनुगमन सम्पन्न गरेको छ ।
अनुगमनका क्रममा टोलीले अस्पतालबाट हाल प्रदान हुँदै आएका मातृ तथा नवजात शिशु स्वास्थ्य सेवाको प्रशंसा गर्दै आगामी दिनमा सेवा विस्तार तथा गुणस्तर अभिवृद्धिका लागि आवश्यक सहयोग र सहकार्य गर्ने प्रतिबद्धता जनाएको छ ।
टोलीले CEONC सेवा (अपरेशन थिएटर सहित) को स्वीकृति, सञ्चालन तथा प्रभावकारी व्यवस्थापनका लागि आवश्यक स्वास्थ्य उपकरण, भौतिक पूर्वाधार र दक्ष जनशक्ति व्यवस्थापनमा सहयोग गर्ने डा. दुर्गेश चाैधरीले जानकारी दिए । साथै ENCU सेवा सञ्चालन तथा सुदृढीकरणका लागि आवश्यक उपकरण, स्वास्थ्यकर्मीको क्षमता अभिवृद्धि तालिम तथा प्राविधिक सहयोग उपलब्ध गराइने प्रतिबद्धता व्यक्त गरिएको छ ।
यसैगरी सुरक्षित मातृत्व कार्यक्रमलाई थप प्रभावकारी बनाउन निःशुल्क एम्बुलेन्स सेवा तथा ग्रामीण अल्ट्रासाउन्ड (Rural USG) सेवा सञ्चालनका लागि आवश्यक बजेट र प्राविधिक सहयोगमा सहकार्य गर्ने उल्लेख गरिएको छ ।
संयुक्त अनुगमन टोलीले मातृ तथा नवजात शिशुलाई गुणस्तरीय, सुरक्षित र सर्वसुलभ स्वास्थ्य सेवा सुनिश्चित गर्न आवश्यक समन्वय, सहकार्य तथा प्राविधिक सहयोगलाई निरन्तरता दिने प्रतिबद्धता व्यक्त गरेको छ । अस्पतालले समेत उक्त सहयोगले मातृ तथा नवजात शिशु स्वास्थ्य सेवाको पहुँच र गुणस्तर थप सुदृढ हुने विश्वास व्यक्त गरेको छ ।
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि धडकन“ अडियो गीत सार्वजनिक भएको छ । एस एम मिडिया नेपालद्वारा आइतबार सार्वजनिक गरिएको हो । जसको लिरिक्स एमप र राजेन्द्र चौधरीले गरेका छन् भने एरेन्जर गणेश चौधरीले रहेका छन् । यस्तै शब्द संगित सरगम […]
प्रतिक्रिया