निलो मसि 
काठमाडौँ : राष्ट्रिय प्रजातन्त्र पार्टीका सांसद डा. धवलसमशेर जबराले भारतीय पर्यटकहरुलाई नेपालमा डाकालाई गरेजस्तो व्यवहार गरिएको आरोप लगाएका छन्।
शुक्रवार प्रतिनिधिसभा बैठकमा उनले भारतीय पर्यटक स्थलमार्ग हुँदै नेपालमा आउँदा डाकालाई गरेजस्तो दुर्व्यवहार गरिएको आरोप लगाएका हुन्।
उनले भारतीय पर्यटकलाई कडाइपूर्वक चेकिङ गरिने गरेको बताए। उनले पर्यटकहरुलाई इज्जतका साथ स्वागत गर्नुपर्ने भन्दै सरकारको ध्यानाकर्षण गराए।
‘हामी छिमेकी मुलका पर्यटकहरुलाई धेरै वास्ता गर्दैनौँ। अहिले चीन र भारतका पर्यटकले विश्व छाएका छन्। हाम्रा त अगल बगलमा छन् तर सहजीकरण गर्दैनौँ‚’ उनले भने‚ ‘स्थलमार्गबाट भारतीय मोटरमा पर्यटक आउँदा नेपालमा डाका पसेकोजस्तो व्यवहार गरिन्छ। १० ठाउँमा चेकिङ गरिन्छ।’
उनले भारतीय हजार र पाँच सय रुपैयाँको नोट ल्याएमा सशस्त्र प्रहरीले बोर्डरमै दुर्व्यवहार गर्ने गरेको भन्दै त्यस्तो नहुने व्यवस्था मिलाउन प्रधानमन्त्री र पर्यटनमन्त्रीलाई आग्रह गरे।
‘हामीले आउने पर्यटकहरुलाई सम्मानका साथ, इज्जतका साथ स्वागत गर्नुपर्ने आवश्यकता छ। यसमा सरकारले ध्यान दिनुपर्छ। ५०० रुपैयाँ र हजार रुपैयाँभन्दा कमको मात्रै भारु नोट ल्याउन पाइन्छ‚’ उनले भने‚ ‘५०० को नोट ल्यायो भने बोर्डरमा सशस्त्रले समातेर दुर्व्यवहार गर्छ। अनि हामी पर्यटनको कुरा गर्छौं? यो के तमासा गरेको?’
उनले नजिकका पर्यटकहरुलाई बेवास्ता गर्न नहुनेमा जोड दिए।
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया