निलो मसि 
काठमाडौँ : स्वास्थ्य तथा जनसंख्यामन्त्री प्रदीप पौडेलले नेपालको स्वास्थ्य बिमाले स्वास्थ्य क्षेत्रमा राहत, सुविधा उपलब्ध गराए पनि व्यवस्थित नरहेको बताएका छन्।
शुक्रवार मन्त्रालयमा स्वास्थ्य बीमा क्षेत्र सुधार गर्नका लागि मन्त्रालयद्वारा गठित सुधार समितिले बुझाएको प्रतिवेदन ग्रहण गर्दै उनले यस्तो बताएका हुन्। उनले वर्तमान बिमा व्यवस्थाले नेपालको स्वास्थ्य क्षेत्रमा केही राहत दिए पनि आवश्यकतानुसार नभएको बताए।
उनले आंशिक सुविधा मात्रैले नपुग्ने भएकाले मन्त्रालयले बिमाका बारेमा कार्यदल गठन गरी अध्ययन गरेको बताए। उनले लक्षित समूहले पूर्ण रूपमा लाभ लिने गरी स्वास्थ्य बिमा अघि बढाउन जरुरी रहेको बताए। स्वास्थ्य बिमालाई व्यवस्थित बनाउन सरकारले काम गरिरहेको बताए। नेपालको बिमा प्रणालीलाई व्यवस्थित गर्ने विषयगत डकुमेण्ट प्राप्त भएको उल्लेख गर्दै सबै क्षेत्र समेटिने विषय प्रतिवेदनमा रहेको विश्वास व्यक्त गरे।
स्वास्थ्यमन्त्री पौडेलले भने, ‘खासगरी वर्तमान बीमा व्यवस्थाले नेपालको स्वास्थ्यक्षेत्रमा केही राहत, सुविधा उपलब्ध गराएको छ। यो आवश्यकतानुसारको छैन। व्यवस्थित छैन। यो लक्षित समूहले पूर्ण लाभ लिने गरी यो अघि बढ्न सकेको छैन।’
मन्त्री पौडेलले स्वास्थ्य बिमा पाँच लाख पुर्याउँदा कसरी स्रोत सुनिश्चितता गर्ने भन्ने प्रतिवेदनमा समेटिएको विश्वास व्यक्त गरे।
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया