निलो मसि 
काठमाडौँ : प्रधानमन्त्री एवं नेकपा एमाले अध्यक्ष केपी शर्मा ओलीले अराजकताबाट परिवर्तन सम्भव नरहेको बताएका छन्।
मंगलवार संसद् भवनस्थित ल्होत्से हलमा पार्टीको संसदीय दलको बैठकलाई सम्बोधन गर्दै उनले यस्तो बताएका हुन्। उनले अहिले देशको राष्ट्रिय राजनीति संविधान र लोकतान्त्रिक प्रणालीअन्तर्गत शान्तिपूर्ण रूपमा अघि बढिरहेको बताए।
ओलीले लोकतान्त्रिक प्रणालीमा लोकतान्त्रिक गतिविधि बाहेक अराजकताका कुनै प्रकारका बाटोबाट परिवर्तनको अपेक्षा सम्भव नरहेको बताए।
उनले वर्तमानमा राष्ट्रिय राजनीति सही दिशामा अघि बढिरहेको पनि दावी गरेका छन्।
उनले संवैधानिक प्रक्रिया बाहेकका गतिविधि स्वीकार्य नरहेको बताए।
प्रधानमन्त्री ओलीले भने, ‘नेपालमा लोकतान्त्रिक अभ्यास, संवैधानिक प्रक्रिया स्वीकार्य छ र स्वागत गरिन्छ। संवैधानिक, शान्तिपूर्ण र लोकतान्त्रिक प्रणाली स्वीकार छ। लोकतान्त्रिक प्रणालीमा लोकतान्त्रिक गतिविधि बाहेक अरू प्रकारका गतिविधि, अराजकताका कुनै प्रकारका बाटोबाट परिवर्तनको अपेक्षा सम्भव छैन।’
प्रधानमन्त्री ओलीले २०८४ को मंसिरमा सरकार परिवर्तन हुने बताए। निर्वाचनको परिणाम आएपछि सरकार परिवर्तन हुने बताए।
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया