मनिष गुप्ता
कृष्णनगर, असोज २८
भारतसिमासंग जोडिएको कपिलवस्तु जिल्लाको व्यापारिक केन्द्र मानिने कृष्णनगर बजार साघुरिदै गएको छ । भारत सिमा बढनी बजार संग जोडिएको यो बजार जिल्लाको व्यस्त बजार पनि हो । बजारका व्यापारीले मनपरि सडक नै कब्जा गदै आफ्नो मालसामान सडकमै राखेर बेच्न लागेपछि बजार भित्रको सडक सानो हुदै गएको छ ।
व्यापारिले सडक पेटिमा नै सामान राखेर बेच्न थालेपछि बजार आवात जावत गर्न समस्या हुने गरेको छ । विभिन्न जिल्लाबाट मालसामान खरिद गर्नका लागी दैनिक हजारौंको संख्यामा कृष्णनगर बजारमा आवतजावत रहे पनि बजारको सडक चौडा नहुदाँ किनमेल गर्न आउने ग्रहकलाई समस्या भएको छ ।
कृष्णनगर बजारका व्यापारीले मनलाग्दी सडक नै कब्जा गर्ने गरी आफ्नो पसल अगाडी मालसामान विक्रिका लागी राखिदिदाँ पैदल हिड्नेलाई समस्य त छदै छ साना सवारीहरुलाई पनि आवतजावतमा समस्या हुने गरेको स्थानीय राम सेवक कुर्मीले बताए । “सडक त खुल्ला हुनु पर्ने हो तर यहाँका व्यापारीले सडक नै कब्जा गरी मालसामान राखिदिदाँ धेरैलाई समस्या हुने गरेको छ ।” “मोटरसाइकल सम्म गुडाउन गाहो छ, पैदल हिड्नेहरुका लागी सडक पेटि हो तर सडक पेटि त यहाँ देख्न नै पाइदैन” दाङबाट सामान किन्न आएका अमर वलीले भने ।
बजारको सडक व्यवस्थापन गरी खुल्ला बनाउने तर्फ उद्योगा वाणिज्य संघको ध्यान गएको संघले जनाएको छ । व्यापारिक नगरीको सडक साघुरिदै जानु दुखद भएको र यसले बजार सर्वसाधारण लाई सास्ती भएकोले यसको व्यवस्थापनका लागी सर्वपक्षिय छलफलबाट ठोस कदम चलाईने संघका सचिव पंकज गुप्ताले बताए ।
व्यापारीहरुले सडकमा नै व्यापार गर्दा पनि सम्बन्धित निकाय भने मौन रहेको छ । कृष्णनगर नगरपालिकाले सडक पेटी खुल्ला राख्न , सडकमा व्यापार गर्न निषेध गरेको भए पनि व्यापारीहरुले अटेर गरेको नगरपालिकाले जनाएको छ । सिमा क्षेत्रको बजार भएका कारणले पनि मानिसहरुको भिडभाड रहने हुदाँ सडक क्षेत्र खाली राख्ने विषयमा स्थानिय प्रशासन संग कुरा भइसकेको र व्यापारीहरुलाई पनि सडकमा सामान राखेर नबेच्न अनुरोध गरेको नगर प्रमुख रजत प्रताप शाहले बताए ।“पुन अब एक पटक अनुरोध गर्छौ , व्यपारीले टेरेनन भने कारबार्हि हुन्छ” उनले भने ।
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया