कृष्णनगर, कपिलवस्तु
ढाई करोडको लागतमा बन्ने घोरही पुलको आज शिलान्यास गरिएको छ ।
कृष्णनगर नगरपालिकाको नगर योजना बाट ढाई करोडको लागतमा निर्माण हुने घोरही नदिको पुल आरटियो सडकलाई कृष्णनगर-चन्द्रौटा फोरलेन सडकको सम्पर्क सडक हुने र छितुहनी ,सिसहनिया लगायत आधा दर्जन गाउंका सर्वसधारणहरु प्रत्यक्ष नगरपालिका केन्द्रसंग जोडिन्छन । सो पुलको प्रयोग बाट शिवानगर स्थिति श्रीदेवी माध्यमिक विद्यालयमा पढ्न आउने छितुहनी,सिसहनियाका विद्यार्थीहरुलाई समेत सुविधा हुने नगर प्रमख रजत प्रताप शाहले बताउनु भएको छ।
आर्थिक बर्ष ०७५/०७६ को योजनामा पुल निर्माणका लागि १० लाख बजेट विनियोजन गरिएको थियो । पुलको लम्बाई बढी भएकोले बजेट अपुग देखिएकोले यस आर्थिक बर्षमा नगरको योजनामा समेटी २ करोड ४८ लाख बजेट विनियोजन गरि साढे सात मिटर चौडाई र एक्काईस मिटर लम्बाई भएको पुल निर्माण शुरु गरिएको योजना अधिकृत प्रदीप चौधरी जानकारी दिनुभयो ।
पुल निर्माण भएपछि प्रदेश सरकारले निर्माण शुरु गरेको कृष्णनगर रंगशाला हुँदै छितुहनी, सिसहनिया लगायतका गाउंका सर्वसाधारणलाई कृष्णनगर पुग्न सजिलो हुने स्थानिय राजकुमार नाउको भनाई छ । लगभग पचास बर्ष भन्दा पहिला भारतको आनन्दनगरमा रहेको तत्कालीन गणेश चिनी मिलले बहादुरगंज देखि छितुहनि शिवानगर हुँदै कृष्णनगर सम्म उखु ,काठ ढुवानीका लागि घोरही नदीमा पुल निर्माण गरेको थियो । धेरै दिनसम्म जीर्ण अवस्थामा रहेको पुल केही बर्ष पहिला बाढीले भत्केको सो पुल कृष्णनगर नगरपालिकाले प्राथमिकतामा राखेर निर्माण गर्न शुरु गरेको वडा १ अध्यक्ष तुंगनाथ चौधरीले बताए ।
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया