भुपाल थापा 
माघ २६ गते –विजयनगर
विजयनगर गाउँपालिकामा सञ्चालित ८ दिने चुरा बनाउने तालिम आइतवार सम्पन्न भएको छ । दियालो नेपालको आयोजना र गाउँपालिकाको सहयोगमा वडा नं. ६ बद्धौरमा सम्पन्न भएको हो ।
सो तालिममा २२ जना महिलाको सहभागिता रहेको थिायो । कार्यक्रममा बोल्दै गाउँपालिका उपाध्यक्ष लक्ष्मी कुमारी चौधरीले व्यवसायिक रुपमा चुरा बनाउने कार्यलाई सञ्चालन गर्न सक्नेलाई गाउँपालिकाबाट सहयोग गर्ने प्रतिबद्धता जनाउनु भएको छ ।
यस्तै कार्यक्रमलाई सम्बोदन गर्दै वडा नंं.७ का वडाध्यक्ष दिनेश कुमार चौधरीले विजयनगर खुल्ला सिमाना भएकोले यहाँबाट उत्पादन भएको र भारतबाट नेपालमा आयात गर्न सहज भएकोले लागत अनुसार मुल्य पाउन नसक्ने चुनौती रहेको बताउनु भएको थियो ।
चुनौती भए पनि सिकेको सीपलाई सदुपयोग गर्देै जाने हो भने व्यवसायिक रुपमै फस्टाउन सक्ने कुरामा अध्यक्ष चौधरीले जोड दिनु भयो । कार्यक्रममा आफ्नो कुरा राख्दै महिला मानव अधिकार कर्मी मिना परियारले चुरा बनाउन सहभागी महिलाहरुलाई व्यवसायिक रुपमा निरन्तरता दिन अनुरोध गर्नु भयो ।
उहाँले आर्थिक उपार्जनमा सबल हुनुको साथै महिलाहरुले स्वरोजगारमुखी हुँदै जाने बताउनु भयो । कार्यक्रम दियालो नेपाल संस्थाका अध्यक्ष तारा थापाको अध्यक्षता, गाउँपालिका उपाध्यक्ष लक्ष्मी कुमारी चौधरीको प्रमुख अतिथ्यता र कृष्ण कुमारी रानाको प्रशिक्षणमा सम्पन्न भएको थियो ।
भुपाल थापा 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया