निलो मसि 
दिपक के.सी. कपिलवस्तु ,
कपिलस्तको शिवराज नगरपालिकामा स्थापित प्रकोप व्यवस्थापन कोषमा शुक्रबार सहयोगी दाताहरुबाट ८८ हजार ५ सय रुपैया जम्मा भएको छ । नगरपालिकाले संचालनमा ल्याएको प्रकोप व्यवस्थापन कोषको खातामा सहयोगी दाताहरुबाट सोहि रकम जम्मा भएको नगर प्रमुख नेत्रराज अधिकारीले बताए ।
विहिबारबाट संचालनमा आएका नेपाल बैंकमा रहेको नगर प्रकोप व्यवस्थापन कोषमा नगरका मनकारी व्यक्तिहरुबाट सहयोग रकम जम्मा भएको प्रमुख अधिकारीले बताए । कोषमा हाल सम्म ६३ लाख ८८ हजार ५ सय जम्मा भएको प्रमुख प्रशासकिय अधिकृत शेषकान्त पौडेलले बताए ।
कोषमा नगरपालिकाले ६३ लाख रकम जम्मा गरेको छ भने खरेन्द्रपुर निवासी चन्द्रौटा उद्योग वाणिज्य संघका बरिष्ट उपाध्यक्ष तथा शिव एण्ड सपना टेर्डसका व्यवस्थापक इश्वरी पाण्डेले ५१ हजार , चन्द्रौटा निवासी क्रिष्टल डिजिटल फ्याक्स प्रिन्ट तथा स्काइ फेसन गार्मेन्टका व्यवस्थापक पदमराज पौडेलले १५ हजार , शिवपुर निवासी दिपाली निर्माण सेवाका व्यवस्थापक दर्लजन के.सी.ले ११ हजार र शिवपुर निवासी सरोज शर्माले ११ हजार ५ सय रकम कोषको खातामा जम्मा गरिदिएको पौडेलले जानकारी दिए ।
हाल महामारीको रुपमा फैलिएको कोभिड १९ कोरोना भाइरस र लकडाउनको अवस्थामा ज्यालामज्दुरी गरी जिवीको पार्जन गर्दै आएका गरिब घर परिवारको छनौटको काम भइरहेको र उनीहरुको डाटा तयार भए पछि राहत वितरण गरिने नगर प्रमुख नेत्रराज अधिकारीले बताए । पहिलो डाटा संकलनमा संख्या धेरै आएकोले सर्बपक्षिय छलफलबाट पुन छनौट भइरहेको उनले जनाए ।
राहत खरिद र वितरणका लागी राहत खरिद वितरण समिति उप प्रमुख शिवकुमारी चौधरीको संयोजकत्वमा ७ सदस्यी गठन भएको प्रमुख प्रशासकिय अधिकृत पौडेलले बताए । समितिले राहत सामाग्री खरिदका लागी रेट माग गरि सकेको उप प्रमुख चौधरीले बताइन । समितिमा सामाजिक विकास शाखा प्रमुख , उद्योग संघ , व्यापार संघ, पत्रकार, लगायतको समिति रहेको उप प्रमुख चौधरीले बताइन ।
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि धडकन“ अडियो गीत सार्वजनिक भएको छ । एस एम मिडिया नेपालद्वारा आइतबार सार्वजनिक गरिएको हो । जसको लिरिक्स एमप र राजेन्द्र चौधरीले गरेका छन् भने एरेन्जर गणेश चौधरीले रहेका छन् । यस्तै शब्द संगित सरगम […]
प्रतिक्रिया