निलो मसि 
काठमाडौँ : अर्थमन्त्री वर्षमान पुनले नीतिगत अस्थिरता कम गर्न थोरै क्षेत्रमा मात्रै करका दरहरू हेरफेर गरिएको बताएका छन्।
नेपाल आर्थिक पत्रकार संघ (नाफिज)ले बिहीवार काठमाडौंमा आयोजना गरेको आर्थिक वर्ष २०८१।८२ को बजेटमाथिको छलफल कार्यक्रममा बोल्दै अर्थमन्त्री पुनले यस्तो बताएका हुन्। उनले वर्तमान मुलुकको अर्थतन्त्रलाई चलायमान बनाउँदै नीतिगत स्थिरता समेत दिने गरी आगामी आर्थिक वर्षको बजेट आएको दावी गरे। उनले सरकारले सार्वजनिक पक्षलाई जोड दिँदै सोही प्रतिबद्धतानुसार नै बजेट ल्याइएको उल्लेख गरे।
उनले मुलुकमा सरकार र अर्थमन्त्री परिवर्तन भए पनि सरकारको नीति र बृहत् सोचमा परिवर्तन नआउने गरी बजेट ल्याएको जानकारी दिए। उनले नयाँ चरणको आर्थिक सुधार गर्ने साझा सोचबाट बजेट आएको भन्दै बृहत् छलफलबाट सोच निर्माण गरी कार्यान्वयन गर्ने प्रतिबद्धता जनाए। उनले निजी क्षेत्रसहितको साझा सोचबाट मुलुकको अर्थतन्त्रमा नयाँ चरणको परिवर्तन गर्ने सरकारको प्रतिबद्धता रहेको उल्लेख गरे। उनले सरकार निजी क्षेत्रको साझा सोच र संकल्पबाट मात्रै नयाँ चरणको सुधार हुनसक्ने दाबी गरे।
अर्थमन्त्री पुनले भने ,‘मुलुकमा सरकार र अर्थमन्त्री परिवर्तन भइराख्छन् तर बृहत् सोचमा परिवर्तन नआओस्। नयाँ चरणको आर्थिक सुधार गरौं। त्यो पनि साझा सोचबाट गरौं भन्ने बजेटमा उल्लेख छ। सरकारको मात्रै नभएर बृहत् छलफलबाट सोच निर्माण गरौं। निजी क्षेत्रसहितको साझा सोच आउनुपर्छ जसले मुलुकको अर्थतन्त्रमा नयाँ चरणको परिवर्तन गर्न सकोस् भन्ने सरकारको प्रतिबद्धता हो।’
पुनले बजेट सबैले बजेट सन्तुलित आएको भन्दा आफू सरप्राइज भएको बताए। उनले बजेटमा फरक फरक धारणा आउनु स्वभाविक भएको बताए।
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया