निलो मसि 
काठमाडौं : नेकपा एमालेका सांसद अच्युतप्रसाद मैनालीले मधेश प्रदेशमा हत्याका घटनाहरु बढेको भन्दै नियन्त्रणका लागि सरकारको ध्यानाकर्षण गराएका छन्। आइतबारको प्रतिनिधिसभा बैठकमा उनले यस्तो बताएका हुन्।
उनले मधेश प्रदेशका विभिन्न जिल्लाहरुमा दिनदहाडै हत्याका शृंखलाहरु बढ्दै गएको भन्दै सरकारले आवश्यक ध्यान दिनुपर्ने बताए। उनले भारतबाट खुला सीमाका कारण नेपालमा आई हत्या गर्ने, सुटरहरु नेपाल प्रवेश गर्ने र हत्या गर्ने हुनाले हत्याका घटनामा उल्लेख्य वृद्धि भएको भन्दै रोकथामका लागि आवश्यक पहल गर्न आग्रह गरे। उनले अपराधीलाई अविलम्व नियन्त्रण गरी कानुनको दायरामा ल्याउन आवश्यक रहेको बताए।
उनले भने, ‘बारा जिल्लामा यो चौथो घटना हो। एक वर्षको अवधिमा गत असोजमा पनि कलैया सदरमुकामको चोकमा दिन दहाडै एक निजी स्कुलका प्रिन्सिपलमाथि आक्रमण भयो। उहाँको हत्या भयो। भदौ महिनामा पनि भारतका व्यक्तिलाई नेपालमा ल्याएर हत्या गरियो। यो हत्याको शृंखला बढ्दै गइरहेको छ। दुर्भाग्यको कुरा सुटर भारतबाट आएर नेपालमा आउने, खुला सीमा, हातहतियारहरुको ओसारपसारले गर्दा मधेश खासगरी सीमा क्षेत्रका बासिन्दा असुरक्षित र त्रसित भएका छन्। मधेशमा एक दशकअघि जुन राजनीतिक आवरणमा हत्या र हिंसाका शृंखला भएको थियो, धेरै मानिसहरु बिस्थापित हुनुपर्यो। त्यो पीडालाई बिर्सिएर मधेस संग्लिँदै गइरहेको अवस्थामा हत्या जुन हिसावले बढ्दो रुपमा छ। यसको अविलम्व नियन्त्रण, अपराधीलाई कानूनको दायरामा ल्याउनको लागि र सीमा पारीको प्रशासनसँग पनि समन्वय गरेर प्रशासनले सक्रियता अपनाओस्।’
उनले सीमा पारीको प्रशासनसँग समन्वय गरेर प्रशासनले सक्रियता अपनाउन आवश्यक रहेको बताए।
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया