निलो मसि 
काठमाडौँ : प्रतिनिधिसभाका नवनियुक्त सचिव सुरेश अधिकारीले संसद्को कामलाई व्यवस्थित र पारदर्शी बनाउन भूमिका खेल्ने बताएका छन्।
बुधवार सभामुख देवराज घिमिरेबाट प्रतिनिधिसभा सचिवको रूपमा शपथ लिएसँगै सञ्चारकर्मीहरूलाई संक्षिप्त प्रतिक्रिया दिँदै उनले संसद्को काम व्यवस्थित गर्न भूमिका खेल्ने बताएका हुन्। उनले आफ्नो काम सभामुखको काममा सहयोग गर्ने भएको भन्दै सभामुखलाई सहयोग गरेर अघि बढ्ने बताए। उनले संसद्को काम, कारबाही पारदर्शी बनाउन पनि आफ्नो सहयोग र भूमिका रहने बताए।
अधिकारीले भने, ‘मेरो मुख्य भूमिका भनेको प्रतिनिधिसभाको काम व्यवस्थित गर्न सघाउ पुर्याउनु हो। सभामुखलाई सहयोग गर्ने, संसद्का काम, कारबाही व्यवस्थित गर्नु, पारदर्शी बनाउन मेरो सहयोग र भूमिका रहनेछ।’
सचिव अधिकारीले बुधबार सभामुख देवराज घिमिरेबाट पद तथा गोपनीयताको शपथ लिएका हुन्। उनलाई सभामुखको सिफारिसमा राष्ट्रपति रामचन्द्र पौडेलले मङ्गलवार प्रतिनिधिसभा सचिव नियुक्त गरेका हुन्। सचिव अधिकारी कोशी प्रदेश, संखुवासभा जिल्ला खाँदबारी नगरपालिका वडा नं. २ स्थायी निवासी हुन्।
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया