निलो मसि 
काठमाडौँ : प्रमुख प्रतिपक्ष दल नेकपा (माओवादी केन्द्र) का सांसद अमनलाल मोदीले आफूसँग सम्बन्धित भ्रष्टाचारको फाइल बन्द गर्न कांग्रेस–एमालेले नयाँ सत्ता समिकरण बनाएको आरोप लगाएका छन्।
सोमवार प्रतिनिधिसभा बैठकमा विशेष समय लिएर बोल्दै उनले सो जिकिर गरेका हुन्। सांसद मोदीले संविधान संशोधन गर्ने भनेर सत्तारुढ गठबन्धनले जनतामा भ्रम छरे पनि आफूमाथि लागेको भ्रष्टाचारको आरोपबाट मुक्ति पाउने कामलाई प्राथमिकता दिएको बताए।
उनले गिरिबन्धु टि स्टेट र भूटानी शरणार्थी प्रकरण छानबिनको कामलाई वर्तमान सरकारले निरन्तरता दिन्छ कि दिँदैन? भनि प्रश्नसमेत गरे। सांसद मोदीले आफ्नो पार्टीले भ्रष्टाचारविरुद्धमा प्रतिपक्षमा रहेर सशक्त आवाज उठाउने पनि बताए।
उनले भने, ‘गिरिबन्धुदेखि भुटानी शरणार्थीसम्मका भ्रष्टाचारका कुराहरू छन्। त्यस विषयमा पहिलाको सरकारले जस्तै कामलाई निरन्तरता दिन्छ कि दिँदैन? यसलाई अगाडि बढाउँछ कि बढाउँदैन? भन्ने महत्वपूर्ण कुरा हो। एमाले र कांग्रेसले संविधान संशोधन गर्ला जस्तो मलाइ लाग्दैन। खाली उहाँहरूले आफूसँग सम्बन्धित भ्रष्टाचारसँग जोडिएका फाइल बन्द गर्नका निम्ति यो गठबन्धन गरेको हो। भ्रष्टाचारको अन्त्य नभएसम्म हामी बुलन्द आवाज लिएर जनतामा जान्छौँ।’
सांसद मोदीले सुशासनको पक्षमा दृढतापूर्वक काम गरिएको प्रचण्ड नेतृत्वको सरकारलाई हटाउने काम गरेको भन्दै कांग्रेस–एमालेप्रति आक्रोश पनि व्यक्त गरे।
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया