निलो मसि 
काठमाडौँ : पूर्वराष्ट्रपति विद्यादेवी भण्डारीले समाज र राष्ट्रका लागि दिएको योगदानलाई समय सन्दर्भअनुसार मूल्यांकन गर्नुपर्ने बताएकी छन्।
शनिवार काठमाडौंमा वामपन्थी नेता तथा पूर्व सांसद गणेश पण्डितको स्मृति ग्रन्थ लोकार्पण समारोहलाई सम्बोधन गर्दै उनले यस्तो बताएका हुन्। उनले कुनै पनि व्यक्तिले समाज र राष्ट्रका लागि दिने योगदान महत्त्वलाई समय र सन्दर्भअनुसार मापन गर्न सक्नुपर्ने बताइन्। गणेश पण्डितको मूल्यांकन पनि सोही कोणबाट गर्नुपर्ने बताइन्।
उनले स्व. पण्डितले २०१७ सालदेखि २०४६ सम्म लादिएको निरंकुश पञ्चायती तानाशाही शासनको कहालीलाग्दो अवस्थामा आफ्नो प्राणलाई हत्केलामा राखी राजनीतिमा होमिएको स्मरण गरिन्। उनले अनेक यातना र जेलनेल भोग्दा समेत कष्टपूर्ण यात्रामा राजनीतिमा होमिनु महत्त्वपूर्ण भएको बताइन्।
उनले भनिन्‚ ‘कुनै पनि व्यक्तिले समाज र राष्ट्रका लागि दिने योगदान महत्त्वलाई समय र सन्दर्भअनुसार हामीले मापन र मूल्यांकन गर्नुपर्छ। गणेश पण्डितको मूल्यांकन पनि यही कोणबाट गरिनुपर्छ। निरंकुश पञ्चायती तानाशाही शासनको कहालीलाग्दो अवस्थामा आफ्नो प्राणलाई हत्केलामा राखी व्यवस्थाको विपक्षमा उहाँ जनपक्षीय राजनीतिमा होमिनुभएको थियो। अफ्ठ्यारो परिस्थितिमा समेत निडरताका साथ देश र जनताको पक्षमा उभिनुभयो।’
पूर्वराष्ट्रपति भण्डारीले अफ्ठ्यारो परिस्थितिमा समेत नेता र कार्यकर्ताले देश र जनताका लागि निडरताका साथ उभिनुपर्ने बताइन्।
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया