निलो मसि 
काठमाडौँ : नेपाली काँग्रेसका महामन्त्री विश्वप्रकाश शर्माले खेलकुदले राष्ट्रलाई एक बनाउने बताएका छन्।
शनिवार ललितपुरमा आयोजित झापा निर्वाचन क्षेत्र नम्बर १ ले आयोजना गरेको झापा-१ काठमाडौं कप फुटसल प्रतियोगितामा सहभागी हुँदै उनले खेलकुदले राष्ट्रलाई एकढिक्का बनाउन मद्दत गर्ने बताएका हुन्।
उनले राजनीतिले फरक फरक ठाउँ उभ्याएका व्यक्तिहरूलाई खेलकुदले एकै ठाउँमा ल्याउन सक्ने बताए। राजनीति गर्ने मान्छेले राजनीति मात्रै प्रथम र अन्तिम सोच्न नहुने उनको सुझाव छ।
शर्माले भने‚ ‘राजनीति गर्ने मान्छेले राजनीति मात्रै प्रथम र अन्तिम सोच्नु हुँदैन। राजनीति बाहेक जीवनका अन्य धेरै पाटा छन्। राजनीतिले फरक फरक ठाउँ उभ्याएका मान्छेलाई पनि कला, साहित्य, संगीत, खेलकुदले एउटा ठाउँमा उभ्याउँछ। सबैलाई जोड्ने चिज भनेको साहित्य, संगीत, कला हो। यसको मजा अर्कै छ। फुटबलमा जसरी नियममा बाँधिन्छौँ, त्यसरी नै राजनीतिमा पनि सिक्नुपर्छ। स्पोर्ट्सबाट अनुशासन सिक्नुपर्छ।’
राजनीतिकर्मीहरूले खेलकुदबाट अनुशासन सिक्नुपर्ने उल्लेख गरे।
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया