निलो मसि 
काठमाडौँ : प्रधानमन्त्री केपी शर्मा ओलीले आफू काममा विश्वास गर्ने र कामबाट परिणाम निकाल्ने व्यक्ति भएको दावी गरेका छन्। उनले आफू ताली बजाउन मात्र नभई काम गरेर परिणाम निकाल्न आएको स्पष्ट पारेका छन्।
शनिवार विश्व ध्यान दिवसको अवसरमा टुँडिखेलमा आयोजित कार्यक्रमलाई सम्बोधन गर्दै प्रधानमन्त्री ओलीले यस्तो दावी गरेका हुन्।
उनले विविधतालाई एकतामा बदलेर सामाजिक न्याय र सामाजिक सद्भाव कायम गर्न आवश्यक रहेको बताएका छन्। उनले मानिस भएपछि एकले अर्कोलाई प्रेम गर्नुपर्ने र एकजुट हुनुपर्ने बताए। उनले परस्परमा घृणा नभई विविधतालाई एकतामा बदलेर सामाजिक न्याय र सामाजिक सद्भाव कायम गर्न आवश्यक रहेको बताए।
उनले ध्यान र योगले भावना, व्यवहार, अभ्यासलाई राष्ट्रिय एकताको भावनाका रूपमा अघि बढाउन मद्दत गर्ने बताए। उनले ध्यान दिवसलाई औपचारिक दिवसको रूपमा नभई जीवन पद्धतिको रूपमा अपनाउनुपर्ने बताए।
प्रधानमन्त्री ओलीले भने‚ ‘ध्यान भनेको सकारात्मक सोचका साथ सकारात्मक उद्देश्यका लागि हो भन्ने बुझ्नुपर्छ। योगले यो भावना, व्यवहार, अभ्यासलाई राष्ट्रिय एकताको भावनाका रूपमा अघि बढाउन मद्दत गर्दछ। मैले ताली बजाउने होइन‚ म काममा विश्वास गर्ने मान्छे हुँ। म कामबाट परिणाम निकाल्नेमा विश्वास गर्ने मान्छे हुँ। ’
प्रधानमन्त्री ओलीले ज्ञानको मुहान ध्यान भएको उल्लेख गरे। उनले ध्यान र योगलाई आफ्नो दिनचर्या बनाउन आह्वान गरे।
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया