निलो मसि 
काठमाडौँ : उद्योग, वाणिज्य तथा आपूर्तिमन्त्री दामोदर भण्डारीले बैंक तथा वित्तीय सेवा ग्रामीण क्षेत्रसम्म पुगे पनि उनीहरूको कामको परिणाम चित्तबुझ्दो नभएको बताएका छन्।
शुक्रवार बैंक तथा वित्तीय संस्था परिसंघ नेपालको वार्षिक साधारणसभामा बोल्दै उद्योगमन्त्री भण्डारीले यस्तो बताएका हुन्। उनले नेपालमा ७५३ स्थानीय तहमा बैंकिङ पहुँचमा पुग्यो भनेर तथ्यांकमा मात्रै रमाउन नहुने बताए। उनले पहुँचका हिसाबले अहिले सबै पालिकास्तरमा बैंकिङ सेवा पुगे पनि बैंकहरूले प्रभावकारी काम गर्न नसकेको उल्लेख गरे।
उनले बैंकहरूले स्थानीय तहमा गरेको कामको परिणाम राम्रो नभएको गुनासो गरे। उद्योगमन्त्री भण्डारीले स्थानीय तहका बैंकहरूले सामाजिक सुरक्षा भत्ता र सरकारी कारोबारलाई बाहेक अन्य सम्भावना भएको क्षेत्रमा काम गर्न नसकेको आरोप लगाए। उनले स्थानीय तहमा पुगेका बैंकहरूले स्थानीय तहमा भएका सम्भावनाको खोजी गर्न नसकेको दाबी गरे।
उनले सरकारको निर्देशनअनुरूप स्थानीय तहमा बैंकहरू पुगे पनि आयोजनाको बजेट भुक्तानी, सामाजिक सुरक्षा भत्ता, शिक्षक, स्वास्थ्यकर्मी र सुरक्षाकर्मीको तलबभत्ता बाँडेर मात्रै बैंकिङ पहुँच सुदृढ नहुने बताए।
उनले बैंक तथा वित्तीय संस्थाहरू सम्भावनाको खोजीभन्दा पनि अन्तै बरालिँदै आएको बताए। उनले स्थानीय तहमा पुगेका बैंकहरूले पनि जल, जङ्गल, जमिन, खानी, उद्योगका सम्भावना खोज्न जरुरी रहेको बताए। उनले अहिले मानिसहरू पहाडबाट तराई र तराईबाट राजधानी झर्ने र राजधानीबाट विदेश पलायन हुने अवस्था रहेको भन्दै त्यसलाई फर्काउनुपर्ने अवस्था रहेको बताए।
उनले भने, ‘पहुँचका हिसाबले अहिले सबै पालिकास्तरमा बैंकिङ सेवा पुगेको छ तर बैंकहरूले स्थानीय तहमा गरेको काम चित्तबुझ्दो छैन‚ परिणाम राम्रो छैन। बैंकहरूले सामाजिक सुरक्षाभत्ता र सरकारी कारोबार बाहेक सम्भावनाको खोजी गर्न सकेन भन्ने मेरो मान्यता हो।’
मन्त्री भण्डारीले वित्तीय क्षेत्रमा अहिलेसम्म भएको उपलब्धि प्रमुख राजनीतिक दलहरूको रहेको उल्लेख गरे। उहाँले सरकारसँग निजी क्षेत्र, बैंकर्स र उद्योगी व्यवसायीले खोजेको नीतिगत सुधारको अपेक्षा देखिएको बताए। उनले विगतमा बनाएका विद्यमान नीतिहरू अहिले बाधक भएकाले सरकारले सुधार आवश्यक महसुस गरेको उल्लेख गरे।
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया