निलो मसि 
सुर्खेत : कर्णालीका पूर्वमुख्यमन्त्रीद्वय जीवनबहादुर शाही र राजकुमार शर्माले संघीयता कार्यान्वयनमा संघीय सरकार बाधक रहेको आरोप लगाएका छन्।
वीरेन्द्रनगरमा बुधवार कर्णाली उत्सवमा खलंगा : शक्तिको सदरमुकाम सत्रमा बोल्दै पूर्वमुख्यमन्त्रीद्वयले यही तरिकाको संघीयताले प्रदेशको औचित्य समाप्त भई अन्ततः संघीयता धरापमा पर्ने खतरा औँल्याए।
संघले अधिकार नदिएकै कारण प्रदेशले काम गर्न नसकेको उनीहरूको भनाइ थियो।
‘संघीयता बाध्यताले स्विकारेजस्तो देखिन्छ, प्रदेशका कार्यकारी प्रमुखले संघको आदेश मानेर बस्नुपर्ने भयो’, शाहीले भने, ‘मुख्यमन्त्रीको महत्त्व छैन, केन्द्रबाट हलियाजस्तो व्यवहार केन्द्रबाट भएको छ। मुख्यमन्त्रीभन्दा वडाध्यक्ष बलियो छ।’
यही तरिकाले संघीयताको अभ्यास गर्ने हो भने प्रदेश संरचनालाई खारेज गर्न नेताहरूसमक्ष प्रस्ताव गर्दै आएको सुनाए। प्रहरी प्रदेशलाई नदिने, कर्मचारी पनि संघले पठाइदिने हो भने हाम्रो संघीयताको काम नभएको उनको भनाइ छ।
कांग्रेस नेता शाहीले कर्णाली प्रदेशमा कुनै वेला सत्तापक्ष र प्रतिपक्ष नभनेर एक भएर अघि बढेको स्मरण गर्दै भने, ‘हामीले त्यति वेला कर्णालीको समस्यालाई प्रतिपक्षी बनाएका थियौँ। तैपनि अधिकार नभएकै कारण काम गर्न सकिएन।’
माओवादी केन्द्रका नेता समेत रहेका पूर्व मुख्यमन्त्री शर्माले आफूले १४ महिना प्रदेशको नेतृत्व गर्दा तीनपटक विश्वासको मत लिनुपरेको सन्दर्भ उल्लेख गर्दै कर्णालीलाई योजनाबद्ध पछाडि पारिएको दाबी गरे।
‘प्रदेशको एकल अधिकार सूचीमा भएका अधिकार पनि नदिनु भनेको संघीयताविरोधी र सामन्तवादी चिन्तन हो। संविधानले समन्वय, सहअस्तित्व र सहकार्यलाई जोड दिएको छ’, शर्माले भने, ‘कसैले कसैसँग माग्ने होइन, अधिकार हस्तान्तरण गर्ने हो। केन्द्र सरकारको रवैयाका कारण जनतामा संघीयताप्रति निराशा पैदा गराएको छ।’
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया