निलो मसि 
काठमाडौँ : प्रधानमन्त्री केपी शर्मा ओलीले पछिल्लो समय बेइमानीको खेती गर्न र इमानको हत्या गर्न प्रविधिको दुरुपयोग भइरहेको भन्दै चिन्ता व्यक्त गरेका छन्।
शुक्रवार काठमाडौँमा आयोजित राष्ट्रिय सूचना तथा सञ्चार प्रविधि दिवसको अवसरमा आयोजित कार्यक्रमलाई सम्बोधन गर्दै प्रधानमन्त्री ओलीले सत्यको हत्या र असत्यको प्रवर्द्धनका लागि प्रविधिको प्रयोग गर्न नहुनेमा जोड दिँदै सूचना प्रविधिको सही प्रयोगमा सजग रहनुपर्ने बताए।
उनले सूचना प्रविधिको क्षेत्रमा विशेष विकास गर्नुपर्ने आवश्यकता औँल्याउँदै सेवा प्रवाहलाई छिटो, छरितो र सुविधायुक्त बनाउन प्रविधिको भूमिका महत्वपूर्ण हुने बताए।
उनले प्रविधिको विकाससँगै उत्पन्न हुने समस्याहरूको समाधान गर्दै मानव समाजलाई सुखी बनाउने दिशामा अगाडि बढ्न आवश्यक रहेको बताए।
‘बेइमानीको खेती गर्न र इमानको हत्या गर्न टेक्नोलोजीको दुरुपयोग नहोस् भन्ने कुरामा हामी सजग हुनुपर्दछ। सत्यको गला रेट्न र असत्यको जरामा पानी हाल्नको लागि एआईको प्रयोग नहोस्। टेक्नोलोजीको विकाससँगै आएका समस्याहरुको समाधान पनि गर्दै जानुपर्छ‚’ उनले भने, ‘मानव समाजलाई सुखी बनाउन टेक्नोलोजी चाहिन्छ। आईसिटीको क्षेत्रमा हामीले विशेष विकास गर्नुछ ताकि सेवालाई छिटो, छरितो, सुविधायुक्त, सहज आपूर्तिको परिपाटिको लागि आवश्यक छ।’
कृत्रिम बुद्धिमत्ता (एआई) जस्ता उपकरणहरू दुरुपयोग भइरहेको उल्लेख गर्दै यसतर्फ सबै सचेत हुन आवश्यक रहेको उनको भनाइ छ।
थाहा खबर
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया