निलो मसि 
काठमाडौँ : प्रतिनिधिसभाकी उपसभामुख इन्दिरा रानाले कुष्ठरोगलाई महारोगको संज्ञा दिएर अहिलेसम्म पनि कानूनले विभेद गर्नु लज्जास्पद भएको बताएकी छन्।
काठमाडौँमा जारी कुष्ठरोगसम्बन्धी अन्ताराष्ट्रिय सम्मेलनलाई सम्बोधन गर्दै उपसभामुख रानाले कुष्ठरोगलाई महारोगको संज्ञा दिनु लज्जास्पद भएको बताइन्। उनले लोकतान्त्रिक व्यवस्थाले कानून परिष्कृत गर्नुपर्नेमा अझै कुष्ठ रोगीमाथि विभेद गर्नु लज्जास्पद भएको बताइन्।
नेपालमा दुई लाखभन्दा बढी कुष्ठरोगी दर्ता भए पनि सबैले सामाजिक भत्ता पाउन नसक्नु दुःखद भएको उनको भनाइ छ। समाजले कुष्ठ रोगीलाई महारोग भनेर छिछि र दुर्दुर गर्दा रोगीहरू मानसिक समस्यामा पुग्ने गरेको बताइन्।
कुष्ठरोग औषधिको सेवनपछि पूर्णरूपमा ठिक हुने भएकाले रोगीलाई महारोग भनेर तर्साउन नहुने उनको भनाइ छ। उनले कुष्ठरोगीका लागि पनि कुनै सिर्जनात्मक वातावरण बनाई सरकारले आर्थिक सहयोग गर्नुपर्नेमा जोड दिइन्।
रानाले भनिन्, ‘मुलुकी देवानी संहितामा अहिले पनि महारोग भनेर परिभाषित गर्दा मलाई लज्जास्पद लाग्यो। हामी कहाँ रहेछौँ अहिलेसम्म? कानूनले विभेद गर्नु लज्जास्पद भयो। दुई लाखभन्दा बढी दर्ता भएको छ तर ३० हजारले अशक्ततामा सामाजिक सुरक्षाभत्ता रहेछ‚ त्यो पनि दुःख लाग्दो कुरा हो। जब हामी नाम दिन्छौँ नि महारोग भनेर त्यत्तिकै मान्छे तर्सिन्छ, डिप्रेसनमा जान्छ मानसिक समस्या हुन्छ। धेरै जना मानसिक समस्या भएको पनि मैले पाएकी छु।’
उपसभामुख रानाले कुष्ठ रोगीहरूको आवाज संसद्सम्म पुग्नुपर्ने बताइन्। कुष्ठरोगसम्बन्धी विधेयक ल्याउन आफूले सहयोग गर्ने उनको भनाइ छ। थाहा खबर
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया