निलो मसि 
काठमाडौँ : उद्योग वाणिज्य तथा आपूर्तिमन्त्री एवं नेकपा एमाले नेता दामोदर भण्डारीले अहिले राजनीतिक कार्यकर्तालाई ‘झोले’ र निजी क्षेत्रलाई बिचौलिया र दलाल भन्ने गरिएको भन्दै आपत्ति जनाएका छन्।
काठमाडौँमा नेकपा एमालेले आयोजना गरेको नेपालको वर्तमान आर्थिक अवस्था र आगामी बजेटको सन्दर्भमा राजनीतिक पार्टीले लिनुपर्ने पहलकदमी सम्बन्धमा निजी क्षेत्रका व्यवसायीसँगको अन्तरसंवादमा बोल्दै उनले यस्तो बताएका हुन्।
उनले उद्योगीहरूका माग र मुद्दा सम्बोधन गर्दा दलाल, बिचौलियासँग सरकारको मिलोमतो छ भन्ने गरिएकोप्रति आपत्ति जनाए। उनले अर्थतन्त्र चलायमान बनाउन सरकारले केन्द्र भागमा राखेर काम गरिरहेको उल्लेख गरे।
उनले अहिले राजनीतिक कार्यकर्ताहरूलाई ‘झोले’ र निजी क्षेत्रलाई बिचौलिया र दलाल भन्ने गरिएकोप्रति असन्तुष्टि जनाए।
मन्त्री भण्डारीले भने, ‘अहिले एउटा भाषा चलेको छ‚ राजनीतिक कार्यकर्ताहरूलाई झोले भन्ने, निजी क्षेत्रलाई बिचौलिया र दलाल भन्ने।’
मन्त्री भण्डारीले लगानी प्रवर्धनमा जोड दिन आवश्यक रहेको बताए। उनले जलविद्युत् क्षेत्रमा लगानीको वातावरण सुनिश्चित गरेको बताए। उनले सरकारले लगानीको क्षेत्र फराकिलो बनाएर अघि बढ्न खोजिरहेको बताए। थाहा खबर
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया