निलो मसि 
घनश्याम भर
(विजयनगर) कपिलवस्तु, ११ बैशाख ।
कपिलवस्तुको विजयनगर गाउँपालिका-४ स्थित बुद्धनगर महिला समूहका सदस्यहरुलाई सर्फ र हार्पिक बनाउने ३ दिने पुनर्ताजगी एडभान्स सीप विकास तालिम सम्पन्न भएको छ ।
महिलाहरुलाई आत्मनिर्भर बनाउने, घरेलु उत्पादनमार्फत आम्दानी वृद्धि गर्ने तथा सीपलाई व्यवसायमा रुपान्तरण गर्ने उद्देश्यले तालिम सञ्चालन गरिएको महिला, बालबालिका तथा जेष्ठ नागरिक शाखाकी प्रमुख रेनु पाण्डेले जानकारी दिए । तालिममा सहभागी महिलाहरुलाई सर्फ र हार्पिक उत्पादन गर्ने व्यावहारिक ज्ञान तथा बजार व्यवस्थापनबारे समेत जानकारी दिइएको थियो ।
तालिम समापन कार्यक्रममा गाउँपालिका अध्यक्ष गोपाल बहादुर थापाले सीपमूलक तालिमले महिलाहरुलाई आर्थिक रुपमा सक्षम बनाउन सहयोग पुग्ने बताउँदै उनले सीप सिकेर घरमै बसेर पनि उत्पादन गर्न सकिने बताए । उनले यसलाई व्यवसायिक रुपमा अगाडि बढाउन महिलाहरुले पहल गर्नुपर्नेमा जाेड दिए ।
यस्तै प्रमुख प्रशासकीय अधिकृत हिमलाल विश्वकर्माले यस्ता तालिमले महिलाको क्षमता अभिवृद्धि हुनुका साथै स्वरोजगार सिर्जनामा टेवा पुग्ने उल्लेख गरे । उनले तालिममा सिकेका कुरा व्यवहारमा उतार्न सके महिलाहरुको आयआर्जनमा प्रत्यक्ष सुधार जिकिर गरे ।
यसैगरी बुद्धनगर महिला समूहकी अध्यक्ष सरिता पाण्डेले तालिमले सदस्यहरुमा नयाँ उत्साह थपिएको बताउँदै उनले सिकेको सीपलाई प्रयोग गरेर समूहमार्फत उत्पादन सुरु गर्ने योजना बनाएको बताइन् । तालिममा सहभागी महिलाहरुले यस्ता कार्यक्रमले आत्मविश्वास बढाएको र आगामी दिनमा व्यवसाय सञ्चालन गर्न सहज हुने प्रतिक्रिया दिएका थिए ।
कार्यक्रमलाई ४ का वडा अध्यक्ष तिलकराम कँडेल, कार्यपालिका सदस्य टंक बहादुर विश्वकर्मा, मिना सुनार लगायतले सम्बाेधन गरेका थिए ।
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया