निलो मसि 
घनश्याम भर
(विजयनगर) कपिलवस्तु, ३ भदौ ।
कपिलवस्तुको विजयनगर गाउँपालिका-६ बद्धाैरमा रहेको विजयनगर आधारभूत सेवा अस्पतालमा डिजिटलाइजेशन सम्बन्धी अभिमुखीकरण कार्यक्रम सम्पन्न भएको छ । जीआइजेडको सहयोगमा अस्पतालका स्वास्थ्यकर्मी तथा कर्मचारीलाई अस्पतालमा डिजिटल प्रविधिको प्रयोग सम्बन्धी अभिमुखीकरण गरिएको हो ।
बिरामीको विवरण, उपचारको रेकर्ड, स्वास्थ्य परीक्षणका रिपोर्ट तथा औषधी सम्बन्धी जानकारीलाई कागजी प्रणालीको सट्टा डिजिटल प्रणालीमा व्यवस्थित गर्ने उद्देश्यले कार्यक्रम सञ्चालन गरिएको अस्पतालले जनाएको छ । डिजिटल प्रणालीको प्रयोगले बिरामीको विवरण सहजै खोज्न सकिने, उपचार प्रक्रियालाई व्यवस्थित बनाउने तथा स्वास्थ्य सेवा प्रवाहलाई थप प्रभावकारी बनाउन सहयोग पुग्ने अपेक्षा गरिएको छ ।
कार्यक्रममा विजयनगर गाउँपालिका अध्यक्ष गोपाल बहादुर थापाले स्वास्थ्य सेवामा प्रविधिको प्रयोग समयअनुकूल आवश्यकता भएको बताए । उनले डिजिटल प्रणालीले अस्पतालको सेवा छिटो, व्यवस्थित र पारदर्शी बनाउन सहयोग पुग्ने भन्दै यसको प्रभावकारी कार्यान्वयनमा जोड दिए ।
गाउँपालिका प्रमुख प्रशासकीय अधिकृत हिमलाल विश्वकर्माले अस्पतालको सेवा प्रवाहलाई प्रविधिमैत्री बनाउन डिजिटलाइजेशन महत्वपूर्ण रहेको बताए । उनले डिजिटल प्रणालीको प्रभावकारी प्रयोगबाट बिरामीको अभिलेख व्यवस्थापन सहज हुनुका साथै सेवा प्रवाहलाई छिटो, व्यवस्थित र पारदर्शी बनाउन सहयोग पुग्ने बताए ।
अस्पताल इन्चार्ज इन्द्र प्रसाद भण्डारीले डिजिटलाइजेशनले बिरामीको स्वास्थ्य सम्बन्धी विवरण सुरक्षित राख्न र आवश्यक पर्दा सहजै प्राप्त गर्न सहयोग पुग्ने बताए ।
कार्यक्रममा अस्पताल व्यवस्थापन समितिका अध्यक्ष तथा ६ नम्बरका वडा अध्यक्ष प्रेम बहादुर कलवार, अस्पतालका कर्मचारी तथा स्वास्थ्यकर्मीहरूको सहभागिता रहेको थियो ।
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया