निलो मसि 
१ भदौ ।
लागुऔषध नियन्त्रण ब्यूरोको टोलीले हवाई फायर गरेर भाग्न खोजेका दुई जना लागुऔषध कारोबारीलाई पक्राउ गरेको छ ।
लागुऔषध बिक्री-वितरण गर्ने गिरोहको निगरानी गर्ने क्रममा लागुऔषध नियन्त्रण ब्यूरो शाखा कार्यालय नेपालगञ्ज र सुखेतबाट खटिएको संयुक्त प्रहरी टोलीले बाँकेको कोहलपुर नगरपालिका-६ बाट उनीहरूलाई पक्राउ गरेको हो ।
प्रहरीका अनुसार लागुऔषध अफिम चोप कारोबार गरिरहेको अवस्थामा दुई जनालाई नियन्त्रणमा लिन खोज्दा उनीहरू भागेका थिए । भाग्ने क्रममा प्रहरीले रोक्नका लागि चेतावनीस्वरूप एक राउन्ड हवाई फायर गरेपछि उनीहरूलाई नियन्त्रणमा लिइएको हो ।
पक्राउ पर्नेमा सुर्खेतको सिम्ता गाउँपालिका-१ ठेगाना भएका ४३ वर्षीय कर्णबहादुर बुढा र बाँकेको कोहलपुर नगरपालिका-६ ठेगाना भएका ६० वर्षीय टोपजङ्ग गिरी रहेका छन् ।
उनीहरूको साथबाट १४ किलो ७६० ग्राम लागुऔषध अफिम चोप र दुई थान मोबाइल बरामद भएको प्रहरीले जनाएको छ । पक्राउ परेका दुवै जनालाई थप अनुसन्धान तथा आवश्यक कानुनी कारबाहीका लागि इलाका प्रहरी कार्यालय कोहलपुर, बाँकेमा बुझाइएको छ ।
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया