निलो मसि 
काठमाडौँ : राष्ट्रिय स्वतन्त्र पार्टी (रास्वपा) का प्रमुख सचेतक सन्तोष परियारले आफूअनुकूल संविधान संशोधन गर्ने सत्तारुढ गठबन्धनको सहमति मान्य नहुने बताएका छन्।
सोमवार प्रतिनिधिसभा बैठकमा उनले सो कुरा बताएका हुन्। प्रमुख सचेतक परियारले राज्यका सबै निकायमा समावेशी हुनेगरी प्रतिनिधित्व गराउन पनि सरकारलाई सचेत गराए।
उनले सरकारले समावेशीताको आधारमा राज्यका सबै अंगमा नियुक्ति गर्नुपर्ने व्यवस्थालाई लत्याएको आरोपसमेत लगाए।
प्रमुख सचेतक परियारले संविधानले समावेशीतालाई जोड दिए पनि सरकारले सोहीअनुसार काम गर्न नसकेको भन्दै आपत्ति जनाए।
‘संविधानको मूलभूत आशय समावेशितालाई अहिले राजनीतिक पार्टीहरुले नै लत्याईरहेका छन्। संविधान एउटा सामाजिक करार हो‚ त्यसअनुसार राजनीतिक पार्टी र व्यवस्था चल्नुपर्छ सभामुख महोदय‚’ उनले भने, ‘म सम्माननीय सभामुख महोदयमार्फत राजनीतिक पार्टीहरुको ध्यानाकर्षण गराउन चाहन्छु– १४ प्रतिशत लगभग रहेको दलित समुदायलाई सबैतिरबाट वञ्चित गर्ने यो कस्तो खालको राजनीतिक प्रवृत्ति हो? आफूअनुकूल संविधान संशोधन गर्न खोज्ने कदाचित मान्य हुने छैन।’
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया