निलो मसि 
काठमाडौँ : बंगलादेशमा अल्पसंख्यक हिन्दु र बौद्ध धर्मावलम्बीहरूमाथि भएको आक्रमणबारे सरकार मौन बस्न नहुने भन्दै सांसदहरूले जोड दिएका छन्।
उनीहरूले बंगलादेशका पछिल्ला घटनाक्रमबारे संसद्मा धारणा राख्दै त्यसबारेमा ध्यानाकर्षण गराएका हुन्। उनीहरूले सरकारले यसबारेमा आफ्नो धारणा बनाउनुपर्ने माग गरे।
नेकपा एमालेका सांसद किरणकुमार साहले बंगलादेशमा हिन्दुहरूमाथि भएको हिंसाका विषयमा मौन बस्नु उचित नभएको बताए। मंगलवार बसेको प्रतिनिधिसभाको शून्य समयमा बोल्दै उनले बंगलादेशमा अल्पसंख्यक हिन्दु र बौद्ध धर्मावलम्बीहरूमाथि भएको आक्रमणको विषय सरकार मौन बस्न नहुने बताए।
उनले छिमेकी बंगलादेशमा हिन्दुहरूमाथि अतिवादीहरूबाट भइरहेको आक्रमण असह्य हुने बताउँदै यसबारे सरकारले बोल्नुपर्नेमा जोड दिए। उनले नेपाल सरकारले बंलादेश सरकारालाई हिन्दुहरूमाथि भएको हिंसाका विषयमा कूटनीतिक माध्यमबाट ध्यानाकर्षण गर्नुपर्ने बताए।
नेपाली कांग्रेसका सांसद अर्जुनरसिंह केसीले अल्पसंख्यक हिन्दु र बौद्ध धर्मावलम्बीहरूमाथि भएको आक्रमणको विषय सरकार मौन बस्न नहुने बताए। सांसद केसीले अल्पसंख्यक हिन्दु तथा बौद्ध धर्मावलम्बीहरूमाथि भएको क्रूर आक्रमणको निन्दा गर्दै सरकार मौन रहेकोमा दुःख व्यक्त गरे।
उनले बङ्गलादेशमा भएको ‘कु’को मूल कारण व्यापक भ्रष्टाचार र शासकको निरंकुशता, अहंकार, दम्भ र प्रतिशोध भएको पनि दाबी गरे। सांसद केसीले भ्रष्टाचार सीमित समुदायमा स्रोत र साधनमाथिको एकाधिपत्य अन्यायपूर्ण वितरण प्रणालीले देशमा कसरी अनिश्चितता निम्त्याउँछ भन्ने बंगलादेशको घटनाले शिक्षा दिएको पनि बताए।
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया