निलो मसि 
काठमाडौं : नेपाली कांग्रेसका शीर्ष नेताहरूको बैठक बस्दैछ। केहीबेरमा सभापति शेरबहादुर देउवा निवास बूढानीलकण्ठमा बस्ने बैठकमा वर्तमान पदाधिकारीसँगै पूर्व पदाधिकारीहरूलाई पनि बोलाइएको सहमहामन्त्री जीवन परियारले जानकारी दिए।
बैठकमा पनि महामन्त्रीद्वय गगन थापा र विश्वप्रकाश शर्माको प्रतिवेदनमाथि छलफल गरी सहमति जुटाउने प्रयास हुनेछ। आइतबार बस्ने केन्द्रीय समिति बैठकले पेश भएका प्रतिवेदन परिमार्जन गरी पारित गर्ने तयारी गरेकाले आज प्रतिवेदनमाथि सहमति जुटाउन लागिएको हो ।
सभापति देउवाले प्रतिवेदनमा सहमति जुटाउन निरन्तरजसो छलफल गरिरहे पनि सफल हुन सकेको छैन। यसअघि महामन्त्रीद्वयको प्रतिवेदनमा चर्को विवाद भएपछि केन्द्रीय समितिको बैठक आइतबारसम्मका लागि सारिएको थियो ।
महामन्त्री थापाले चुनावमा गठबन्धन नगर्ने, पार्टीको १५ औं महाधिवेशन २०८२ मंसिरभित्र हुने सुनिश्चित गर्नुपर्ने विषय प्रतिवेदनमा राखेका छन्। अर्का महामन्त्री शर्माले राष्ट्रपति एकपटक, प्रधानमन्त्री दुई पटक, मन्त्री तीन पटक र सांसद चारपटक मात्र हुन पाउनेगरी राखेको ‘एक्जिट पोलिसी’ मा पनि कुरा मिल्न बाँकी छ ।
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया