निलो मसि 
काठमाडौँ : उपप्रधानमन्त्री एवं शहरी विकासमन्त्री प्रकाशमान सिंहले वर्ल्ड अर्बान फोरममा जलवायु परिवर्तनका कारण नेपाललाई परेको असर घटाउन विश्व समुदायले सहयोग गर्नुपर्नेमा जोड दिएको बताएका छन्।
इजिप्टको कायरोमा वर्ल्ड अर्बान फोरममा सहभागी भई नेपाल फर्किएसँगै त्रिभुवन अन्ताराष्ट्रिय विमानस्थलमा सञ्चारकर्मीसँग कुरा गर्दै उनले यस्तो बताएका हुन्। उनले संघ, प्रदेश र स्थानीय तहसँग समन्वय गरेर दातृ निकायले नेपाललाई जलवायु परिवर्तनका असरबाट बचाउन सहयोग गर्न अपिल गरेको बताए।
उनले जलवायु परिवर्तनका कारण नेपालले अतिवृष्टि, अनावृष्टि लगायतका विपद् भोगिरहेको कुरा सम्मेलनमा प्राथमिकताका साथ उठाएको बताए। उनले बाढी, पहिरो जाने, हिमालहरूमा हिउँ पग्लिने, हिमताल फुट्ने लगायतका कारणले नेपाल समस्यामा रहेको कुरा सम्मेलनमा जोडदार रूपमा उठाएको नेपालको प्रस्तुति सशक्त भएको उल्लेख गरे।
उनले अन्ताराष्ट्रिय समुदाय नेपाललाई जलवायु अनुकूलनका लागि सहयोग गर्न सकारात्मक रहेको बताए।
उपप्रधानमन्त्री सिंहले भने, ‘जलवायु परिवर्तनका कारणले अहिले अतिवृष्टि, बाढी, पहिरो जाने, हिमालमा हिउँ पग्लिने, हिमताल फुट्ने लगायतका कारणले नेपाल समस्यामा छ। यसले विभिन्न विपद् निम्त्याइरहेको छ।’
उपप्रधानमन्त्री सिंहले जलवायु परिवर्तनका असर कम गर्ने गरी नयाँ शहरको निर्माणको योजना बनाउनुपर्ने बताए। गत आइतवार इजिप्ट गएका उपप्रधानमन्त्री सिंहले शहरी विकास सम्बन्धी विश्व सम्मेलनमा तीनवटा सत्रलाई सम्बोधन गरेका थिए।
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया