निलो मसि 
भक्तपुर : काठमाडौं मेडिकल कलेज (केएमसी) दुवाकोटमा अध्ययनरत चिकित्साशास्त्र स्नातक तहका आन्दोलनरत विद्यार्थी र कलेज प्रशासनबीच सहमति भएको छ।
प्रमुख जिल्ला अधिकारी रुद्रादेवी शर्माको अगुवाइमा कलेज प्रशासन, विद्यार्थी र अभिभावकका प्रतिनिधिबीच जिल्ला प्रशासन कार्यालय भक्तपुरमा शुक्रवार तीन बुँदे सहमति भएको हो। उनीहरूबीच यथाशिघ्र विवाद समाधान गरी पठनपाठन सञ्चालन गर्न सहमति भएको हो।
प्रजिअ शर्माका अनुसार छलफलमा राष्ट्रिय चिकित्सा शिक्षा ऐन २०७५ को दफा २ (थ) मा उल्लेखित शिक्षण शुल्क र चिकित्सा शिक्षा आयोगको मिति २०७८ पुस ५ गतेको सूचनाका सम्बन्धमा थप प्रष्ट हुन सम्बन्धित निकायमा थप छलफल गरी यथाशीघ्र कक्षा सञ्चालन गर्न कलेज प्रशासन, विद्यार्थी र अभिभावक सहमत भएका छन्।
त्यसैगरी मेडिकल कलेजको छात्रावासको विषयमा मेडिकल कलेज र विद्यार्थीबीच समझदारी गरी कार्यान्वयन गर्ने, कलेजको चालु शैक्षिक सत्रमा अध्यापन गराउनुपर्ने धेरै विद्यार्थी आन्दोलनमा रहेको अवस्थामा सबै विद्यार्थीलाई भर्ना गरी पठनपाठन गराउन जिल्ला प्रशासन कार्यालयले निर्देशन दिने र सोही अनुसार कार्यान्वयन गर्ने सहमति भएको प्रजिअ शर्माले बताइन्।
शर्माको रोहवरमा सम्पन्न छलफलमा केएमसीका तर्फबाट प्रमुख कार्यकारी खगेन्द्र न्यौपाने, कलेजका प्रिन्सिपल प्रा.डा. रवीन्द्रमान श्रेष्ठ, प्रशासन विभागका दीपक बस्न्यात, प्रतिनिधि भिमबहादुर चन्द, विद्यार्थीका तर्फबाट प्रविन न्यौपाने, सोनु यादव, नीशा तिवारी, निश्मा सुवेदी, संयुक्ता खतिवडा, राजन पाण्डे, अभिभावकहरू रामहरि खड्का, सम्पत घिमिरे, राम कार्की, श्याम श्रेष्ठ, रेशम कार्कीलगायतको सहभागिता रहेको थियो।
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया