निलो मसि 
गुल्मी । साँध– सीमानामा विवाद हुँदा गुल्मीको सत्यवती गाउँपालिकाका २० घरधुरीले वर्षौँदेखि भोग चलन गर्दै आएको आफ्नै जमिनको लालपुर्जा पाउन नसकेको अवस्था छ । उक्त पालिकाको वडा नम्वर १ अस्लेवाका २० घरधुरीले वर्षौँदेखि भोग चलन गर्दै आएको जमिनको लालपुर्जा पाउन नसकेका हुन् । गाउँपालिका प्रमुख पारिश्वर ढकालले सदरमुकाममा मंगलबार आयोजित कार्यक्रममा उनीहरुको समस्या उठाएका छन् ।
राष्ट्रिय भूमि आयोग गुल्मीले आयोजना गरेको भूमिहीन दलित, सुकुम्बासी तथा अव्यवस्थित बसोबास व्यवस्थापन कार्यान्वयनका लागि स्थानीय तहसँग सम्झौता कार्यक्रम भएको थियो । राष्ट्रिय भूमि आयोगका केन्द्रीय सदस्य दाताराम खनालसँग उनले भने, ‘हाम्रो पालिकाको वडा नम्वर १ मा २०३६ सालमा नापी हुँदा वडा नम्वर १ र २ को सीमानाको विवाद चल्यो । त्यसपछि २० घरधुरीले अहिलेसम्म लालपुर्जा पाएनन् ।
२०५५ सालमा साविक जिल्ला विकास समितिमा उनीहरु कै जमिन भएको टिप्पणी उठाइएको उनको भनाइ छ । उनीहरु आफ्नै जमिनमा लालपुर्जा विहीन बनेको भन्दै लालपुर्जा दिलाउन सकिने ढकालले बताएका थिए । जवाफमा केन्द्रीय सदस्य खनालले उनीहरुको अव्यवस्थित बसोवासीको सिफारिस वडा कार्यालयबाट बनाउन भनेका थिए ।
त्यसपछि सर्वपक्षीय संयन्त्रबाट पनि सिफारिस गराई पालिका हुँदै राष्ट्रिय भूमि आयोगको जिल्ला कार्यालयमा पठाए उनीहरुलाई लालपुर्जा दिलाउन सकिने खनालले बताए । यस्तो समस्या अन्य पालिकाहरुमा पनि भएको अन्य जनप्रतिनिधिहरुले पनि बताउँदै थिए ।
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया