निलो मसि 
काठमाडौँ : नेकपा (एकीकृत समाजवादी)का सचिव जीवनराम श्रेष्ठले विद्रोहपछिको पहिलो महाधिवेशन भएकाले सर्वसम्मतिबाट गर्न पार्टीका नेता कार्यकर्ताले सुझाव दिएको बताएका छन्।
बिहीवार उनले अध्यक्ष पदका लागि वर्तमान अध्यक्ष माधवकुमार नेपाल र महासचिव घनश्याम भुसालबीच दाबेदारी प्रस्तुत भएको भन्दै कार्यकर्ताको सुझावअनुसार सर्वसम्मतिमै नेतृत्व चयन हुने बताएका हुन्।
उनले मतान्तर नगरी सर्वसम्मतिमा बढे आगामी दिनमा पनि पार्टीलाई फाइदा हुने सुझाव आएकाले कार्यकर्ताको सुझाव मानेर नै अघि बढ्ने बताए। पार्टीले असार १६ गतेदेखि काठमाडौंमा महाधिवेशन गरिरहेको छ। आज सर्वसम्मतिमा नेतृत्व टुंगो नलागे निर्वाचनबाट नेतृत्व चयन हुनेछ।
श्रेष्ठले भने, ‘प्रस्तुत डकुमेण्ट र समाजवादी कार्यक्रममा १२ वटा समूह विभाजन गरी छलफल गर्ने काम भयो। छलफल सकेर हिजो यो १९ गते यसलाई सबैले आफ्नो समूहमा भएको छलफल प्रष्ट गर्ने काम भयो, त्यसमा आएका सुझाव र जिज्ञासालाई सम्बन्धित प्रस्तोताले उत्तर दिने काम भयो। कतिपय सुझावलाई समेत समावेश गर्ने गरी डकुमेण्ट सर्वसम्मतिले पारित गर्ने काम भएको छ। यो महाधिवेशन विद्रोह गरेपछिको पहिलो हो र यसैले मतमतान्तर नगरी सर्वसम्मतिमा अघि बढ्ने भन्ने भावना छ। सर्वसम्मति कसरी गर्ने भन्ने सहमति भएको छ।’
उनले महाधिवेशनमा प्रस्तुत प्रतिवेदनमाथि छलफल भइ सर्वसम्मतिले पारित भइसकेको पनि बताए।
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया