निलो मसि 
काठमाडौं : संघीय संसद् अन्तर्गतका विभिन्न ६ समितिको बैठक आज बस्दैछ। प्रतिनिधिसभा अन्तर्गतको अर्थ समितिको बैठक बिहान १० बजे बोलाइएको छ।
बैठकमा राष्ट्रिय अर्थतन्त्रका समसामयिक विषयमा अर्थमन्त्री विष्णु पौडेलसँग छलफल हुनेछ। अन्तर्राष्ट्रिय सम्बन्ध र पर्यटन समितिको बैठक बिहान ११ बजे बस्नेछ। बैठकमा ‘ईयू सेफ्टी लिस्ट’ तथा नागरिक उड्डयन सम्बन्धमा छलफल हुने कार्यसूची छ। यस्तै नेपाल वायु सेवा निगमको कोरिया उडान अनुमति सम्बन्धमा पनि छलफल हुने छ।
त्यस्तै पोखरा अन्तर्राष्ट्रिय विमानस्थल र गौतम बुद्ध अन्तर्राष्ट्रिय विमानस्थलको सञ्चालन तथा निजगढ अन्तर्राष्ट्रिय विमानस्थल निर्माणको हालसम्मको कार्यप्रगति सम्बन्धमा बैठकमा छलफल हुनेछ। त्रिभुवन अन्तर्राष्ट्रिय विमानस्थलमा भाडामा रहेका पसल कवलहरुको सम्झौताको सम्बन्धमा पनि छलफल हुने कार्यसूची रहेको संसद सचिवालयले जनाएको छ। कानून, न्याय तथा मानव अधिकार समितिको बैठक बिहान साढे ११ बजे बस्नेछ। बैठकमा केही नेपाल ऐनलाई संशोधन गर्न बनेको विधेयबारे दफावार छलफल हुनेछ।
महिला तथा सामाजिक मामिला समितिको बैठक बिहान ११ बजे बस्नेछ। बैठकमा नेपालमा बालबालिकाको शैक्षिक विकासमा युनेस्कोले खेल्दै आएको भूमिकाबारे छलफल हुनेछ। सार्वजनिक लेखा समितिको बैठक दिउँसो ३ बजे बस्नेछ। बैठकको कार्यसूची भने सार्वजनिक गरिएको छैन। यस्तै राष्ट्रिय सभा अन्तर्गतको संघीयता सबलीकरण तथा राष्ट्रिय सरोकार समितिको बैठक बिहान ११ बजे बस्नेछ।
बैठकमा उपभोग्य वस्तु तथा सेवाको मूल्यवृद्धि, बजार अनुगमनको अवस्था, उपभोक्ता हक संरक्षण र प्रवर्द्धन सम्बन्धमा देखिएका समस्या र सुझाव सम्बन्धमा छलफल हुने कार्यसूचि रहेको सचिवालयले जनाएको छ।
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया