निलो मसि 
काठमाडौं : नेकपा एमालेका सांसद पदम गिरीले सुन तस्करी काण्डको पारदर्शी छानबिन भएको भए माओवादी हेडक्वार्टर जेलमा हुने दाबी गरेका छन्।
बिहीबार प्रतिनिधिसभा बैठकमा बोल्दै गिरीले माओवादी केन्द्रका अध्यक्ष प्रचण्डले आफू मात्रै सुशासनको पक्षपाती देखाउन खोजेको भन्दै यस्तो टिप्पणी गरेका हुन्।
‘कमरेड प्रचण्ड प्रधानमन्त्री हुँदा सुन तस्करीमा इतिहास रच्ने काम भयो। सायद यसको सही ढंगले पारदर्शी रुपमा छानबिन भएको भए तपाईंको पार्टीको हेडक्वार्टरका सबै मान्छे जेलको छिँडीमा हुन्थ्यो होला।’ उनले प्रश्न गरे, ‘छानबिन गर्ने स्थिति बन्यो? सबैलाई उन्मुक्ति दिने काम भयो कि भएन? अनि म चाहिँ सुशासनको पक्षमा छु बाँकी सबै बिचौलिया हुन् भन्ने कुरा न्यायसंगत हुन्छ ?
पूर्वप्रधानमन्त्रीसमेत रहेको व्यक्तिले सत्ताबाट बाहिरिने बित्तिकै तल्लो स्तरमा झरेर सरकारविरुद्ध प्रस्तुत भएको भन्दै उनले प्रचण्डप्रति आक्रोश व्यक्त गरे।
पछिल्लो आठ वर्ष उर्जा मन्त्रालयको नेतृत्व माओवादीले सम्हाल्दा डेडिकेटेड र ट्रंकलाइनको वक्यौता किन नउठाएको भन्दै प्रश्न गरे।
उनले ललितानिवास व्यक्तिका नाममा ल्याउने निर्णय गर्ने पूर्वप्रधानमन्त्रीहरूलाई उन्मुक्ति दिने व्यक्तिलाई कसरी सुशासनको पक्षपाती भन्न मिल्छ भन्दै प्रश्न गरे।
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया