निलो मसि 
काठमाडौँ : राष्ट्रियसभा सदस्य तुलसाकुमारी दाहालले आम जनताको चाहनाबमोजिम राष्ट्रिय हितको रक्षा गर्न, भ्रष्टाचार नियन्त्रण गरी मुलुकमा सुशासन कायम गर्न वर्तमान सरकार गठन भएको बताएकी छन्।
बिहीवारको राष्ट्रियसभा बैठकमा उनले यस्तो बताएकी हुन्। उनले राजनीतिक दलको समीकरण फेरिएर नयाँ सरकार बन्नुलाई नौलो विषयका रुपमा लिन नहुने बताइन्।
उनले दुई ठूला राजनीतिक दलहरु मिलेर शान्ति र स्थायित्वका लागि बनाएको सरकारप्रति आत्तिनुपर्ने कुनै कारण नरहेको बताइन्।
उनले कांग्रेस-एमाले सहकार्यका विषय र सन्दर्भलाई लिएर टीकाटिप्पणी गर्नु, नकारात्मक सन्देश प्रवाह गर्नु, कतिपय व्यक्तिको पेशा र धर्म बनेको बताइन्।
उनले पहिलो ठूलो राजनीतिक दल नेपाली कांग्रेस र दोस्रो दल नेकपा एमालेको बीचमा सहमति भइ सरकार बन्नु देशको परिस्थितिकीय आवश्यकताको विषय बनेको बताइन्।
‘राजनीतिक दलको समीकरण फेरियो, नेकपा एमाले र नेपाली कांग्रेसबीच साझा सहमति भयो, सरकार बन्यो। कुनै अचम्म मान्नुपर्ने, आत्तिनुपर्ने के के न हुन लाग्यो भन्ने अवस्था छैन‚’ उनले भनिन्, ‘यो सहकार्यका विषय र सन्दर्भलाई लिएर टीकाटिप्पणी गर्नु, नकारात्मक सन्देश प्रवाह गर्नु, कतिपय व्यक्तिको पेशा र धर्म बनेको देखिन्छ।’
सांसद दाहालले संविधान संशोधनको विषय उठाउनु नौलो नभएको भन्दै राष्ट्रिय सहमतिबाटै संविधान संशोधन हुने बताइन्।
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया