निलो मसि 
काठमाडौँ : नेकपा (माओवादी केन्द्र) ले संसद् अवरोध जारी राख्ने भएको छ।
आइतवार सिंहदरबारमा सभामुख देवराज घिमिरेसँगको प्रमुख सचेतकहरूको छलफलमा पनि बैठक निष्कर्षमा पुग्न नसकेको हो।
बैठकपछि सञ्चारकर्मीहरुसँग कुरा गर्दै पार्टीका प्रमुख सचेतक हितराज पाण्डेले आफूहरू छलफलकै क्रममा रहेको र पार्टीको संसदीय दलको बैठकमा सभामुखसँग भएको छलफलबारे कुरा राख्ने बताए। उनले संसद्मा भदौ १२ गते नेकपा एमाले सांसद योगेशकुमार भट्टराईले बोलेको हिंसा शब्दमा मात्रै नभई समग्र जनयुद्धको भावमा प्रहार भएको आरोप लगाए।
पाण्डेले भने, ‘हामी छलफलकै क्रममा छौँ, माओवादी केन्द्रले जुन विषयवस्तु उठाइरहेको छ, खालि शब्दमा मात्रै कुरा होइन, समग्र जनयुद्धको भाव, त्यहाँ व्यक्त भएका विषयवस्तुसँग यो सम्बन्धित छ। त्यसकारण हाम्रो दलले अवरोध जारी गर्ने निर्णय गरेको छ। फेरि पनि संसद व्यवस्थित बनाउनुपर्छ भन्ने यहाँ भएको छ। यहाँ भएको विषयवस्तु आफ्नो दलमा लगेर राख्दिन्छु। यतिन्जेलसम्म दलले जुन निर्णय गरेको छ, त्यसैअनुसार लैजानेछौँ। केही समय छलफल गर्नुस् न त भनेर सम्माननीयले निर्देश गरिसकेपछि यहाँ छलफल भएको विषयवस्तु आफ्नो दलमा लैजान्छु ।’
प्रमुख सचेतक पाण्डेले आफूहरू अहिले छलफलकै क्रममा रहेको बताए।
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया