निलो मसि 
काठमाडौं : सभामुख देवराज घिमिरेले संघीयताको माध्यमबाट जनतालाई प्रत्यक्ष लाभ दिनेकुरामा जोड दिनुपर्ने बताएका छन्।
बुधबार सिंहदरबारमा आयोजित प्राकृतिक स्रोत तथा वित्त आयोगको कार्यक्रमलाई सम्बोधन गर्दै उनले यस्तो बताएका हुन्। उनले संविधान संशोधनका लागि वर्तमान सरकार बनेको भन्नेकुराहरु प्रत्यक्ष र अपरोक्ष रुपबाट आइरहेको बताए। उनले अहिले संघीयता नै बेठिक भयो भन्नेगरी आक्रमण भइरहेको भन्दै संघीयता कानूनअनुसार चल्ने हो भने राम्रो रहेको बताए।
उनले मनोगतभन्दा तथ्यगत आधारहरु हेरेर संघीयताको मूल्यांकन गर्नुपर्ने बताए। उनले आगामी दिनमा संघीयता अझ प्रभावकारी बनाउन, संघीयताको माध्यमबाट जनतालाई प्रत्यक्ष लाभ दिन र संघीय प्रणालीको संयन्त्रबाट कामहरु प्रभावकारी सम्पन्न गर्ने वातावरण निर्माण गर्न जरुरी रहेको बताए।
उनले भने, ‘अहिले संविधान संशोधनको खातिर पनि यो सरकार बनेको हो भन्नेकुराहरु प्रत्यक्ष र अपरोक्ष रुपबाट आइरहेको छ। त्यो गर्ने प्रक्रियामा कहिले जान्छ, कसरी जान्छ? प्रक्रिया के हुन्छ एउटा कुरा भयो। तर जे भए पनि अहिले निकै ठूलो अट्याक के छ भने संघीयता नै बेठिक थियो, बेठिक छ र तीन तहको सरकार बढी खर्चिलो भयो, यो प्रशासनिक रुपमा मात्रै गए। म व्यक्तिगत रुपबाट अस्वीकार गर्छु। किनभने त्यो मनोगत कुराहरु छ, तथ्यगत रुपमा कुराहरु छैन। आगामी दिनमा संघीयता अझ प्रभावकारी बनाउन, संघीयताको माध्यमबाट जनतालाई प्रत्यक्ष लाभ दिन र हाम्रो संघीय प्रणालीको संयन्त्रबाट कामहरु प्रभावकारी ढंगबाट कामहरु गर्नका लागि यसको भुमिका महत्वपूर्ण छ।’
सभामुख घिमिरेले संघीयता विकासको वाधक भयो भन्ने कुरामा आफू असहमत रहेको बताए।
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया