निलो मसि 
पर्वत : जिल्ला प्रहरी कार्यालय पर्वतले जबरजस्ती करणी मुद्दामा पाँच महिनादेखि फरार रहेका प्रतिवादीलाई पक्राउ गरेको छ।
पर्वतका प्रहरी प्रमुख प्रहरी नायव उपरीक्षक रविन विष्टका अनुसार जिल्लाको फलेवास नगरपालिका–६ देवीस्थानका २५ वर्षीय शक्ति श्रेष्ठलाई कास्कीको पोखरा महानगरपालिका–३३ बागमारामा लुकीछिपी बसिरहेको अवस्थामा पक्राउ गरिएको हो।
परिवर्तित नाम थर कालीगण्डकी (०१) (०८१/०८२) को जाहेरीका आधारमा करणी सम्बन्धी कसुर अन्तर्गत जबरजस्ती करणी गर्न नहुने मुद्दाको अनुसन्धान भइरहेको अवस्थामा श्रेष्ठ फरार रहेका थिए। तर पर्वत प्रहरीले विशेष सूचना तथा प्राविधिक विश्लेषणका आधारमा घटना भएको भनिएको पाँच महिनापछि उनलाई पक्राउ गरेको हो। पक्राउ परेका श्रेष्ठलाई पर्वत जिल्ला अदालतबाट १० दिनको म्याद थप प्राप्त गरी थप अनुसन्धान भइरहेको प्रहरी नायव उपरीक्षक विष्टले बताए।
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया