निलो मसि 
काठमाडौं : टेरामक्स खरिदमा मुछिएका मुख्यसचिव वैकुण्ठ अर्याल आजबाट बिदामा बस्ने भएका छन्। प्रधानमन्त्री पुष्पकमल दाहाल प्रचण्डको निर्देशनपछि मुख्यसचिव अर्याल आजबाट बिदामा बस्ने सिंहदरबार स्रोतले जनाएको छ।
अर्याललाई राजिनामा दिन वा बिदामा बस्न तिव्र दबाव थियो। तर उनले आनाकानी गर्दै आएका थिए। अर्याल विदामा बसेपछि अख्तियारले आज वा भोलि स्वास्थ्य मन्त्री मोहनबहादुर बस्नेत, पूर्वमन्त्री ज्ञानेन्द्र कार्की र मुख्यसचिव अर्याललाई मुद्दा दायरा गर्ने अख्तियारको तयारी छ।
टेरामक्स प्रविधि खरिद प्रक्रियामा अनियमितता भएकोबारे अनुसन्धान गरिरहेको अख्तियारले विशेष अदालतमा मुद्दा लैजाने तयारी गरिरहेको छ। अनुसन्धानको केही काम बाँकी रहेकाले केही समय लाग्नसक्ने अख्तियार स्रोतको भनाइ छ।
नेपाल दूरसञ्चार प्राधिकरणले टेरामक्स प्रविधि खरिद गर्दा झन्डै तीन अर्ब अनियमितता भएको आशंकामा अख्तियारले अनुसन्धान अघि बढाएको थियो।
उक्त प्रकरणमा तत्कालीन सञ्चार सचिवका रुपमा अर्याल, तत्कालीन सञ्चारमन्त्री तथा हालका स्वास्थ्यमन्त्री बस्नेत र पूर्व सञ्चारमन्त्री कार्की मुछिएका छन्।
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया